這是個與別不同的暑假

自己本身係一個政治冷感嘅人，覺得政治係好污糟（？）嘅嘢嚟，但係自從反送中運動之後，我先開始接觸呢個自己從來到未接觸過嘅區塊。而啱啱過去嘅呢個暑假可以話係一個與別不同嘅暑假。
反送中風波至此已100日，自問自己喺呢場運動入面嘅參與度好低，只係一個冇得再和理非嘅和理非中學生，淨係出過幾次百萬人遊行，人鏈，學校關注組嘅活動，同埋做下文宣，推下post。
但我認為，每一個喺呢場運動入面嘅人都係不可或缺嘅一份子，就算唔係個個人參與程度都好高，依然一個都不能少。
不分化，不割蓆，不篤灰，兄弟爬山，各自努力。
相信只要我哋堅持落去、總有一日會成功。
個人亦都十分尊敬前線勇武，就算要冒住極大嘅風險，都願意為香港企喺前線。respect🙏👍
自己住喺深紅區，身邊亦都有好多不問世事，日日玩抖🎵，high tea，出去玩，ig用簡體字嘅港🐷，對住佢哋同埋d藍絲實在係好痛苦嘅一件事。(表示已放棄佢哋)

喺呢三個月入面我見識到三樣嘢: 一，係政府嘅無視民意; 二，係香港👮🏻‍♀️👮🏻‍♂️有幾痴線; 三，係香港人嘅人情味同精神。





一，政府嘅無視民意;
二百萬+1遊行，noted with thanks;
無數人受傷，但我哋嘅特首寧願探部入閘機，都唔願探市民;(不過都合理嘅，試問一個連八達通都唔識用，廁紙都唔識買嘅人又會有幾貼地呢😌)
無數人受傷，死亡，先換嚟動議撤回;
堅持唔成立獨立調查委員會，調查警方濫用暴力情況;
仲有好多好多。

二，香港👮🏻‍♀️👮🏻‍♂️有幾痴線;
從前小學比某三色電視台洗腦嘅我，一直覺得香港警察係好人，唔明點解d人咁憎警察;
直到反送中運動開始，我先明白點解d人咁憎佢哋。警方多次濫用暴力，甚至開槍果陣對準人頭嚟射，導致我哋手足冇咗4隻眼;




係咁放催淚彈，禍及民居，連老人院同小朋友都未能逃過一劫;
將示威者去人化，稱示威者為「曱甴」，與納粹無異(當然藍絲都係咁);
濫捕示民，最細個比捕嘅甚至得十二歲，仲細過我自己;
仲有好多例子未能盡錄。
講真而家基本上係有香港警察嘅地方就唔安全。
香港人，永遠都絕對唔好原諒而家呢班黑警好嗎？

三，香港人嘅人情味同精神。
香港人，真係係好好嘅一個群體。
之前好多次遊行示威完嘅時候，都會有人係車站買定車飛，擺定硬幣方便大家返屋企;




當有小朋友因為買gear而冇錢食飯，大家會買飯券比佢哋;
當前線物資有缺，唔少人都會幫手買物資。
如果要講自己親身經歷嘅話，823人鏈經歷最多。
有人派飲品比各位參與者;
隔離有位小姐手袋嘅帶甩咗，於是有個阿叔即刻幫佢整返好;
有人主動提供搓手液比大家清潔吓隻手(雖然最後根本冇拖到手lol);
有人派歌詞，帶唱歌(雖然冇人唱咁濟);
真係仲有好多未能盡錄。

光復香港，時代革命。
最後希望大家喺抗爭嘅同時，都唔好比太大壓力自己，記得適時放鬆吓，唔開心就搵人傾下偈發洩下，唔好一時睇唔開輕生。記得要堅持到勝利果日！

(文中資料如有任何錯誤，麻煩各位通知返作者本人🙇🏻‍♀️)