人要惡過車！: 第六十九章
「堯姐你無事呀嘛？」
「無⋯⋯無⋯⋯」睇嚟啱啱嚇親佢⋯⋯
而撞我哋架車已經喺迴旋處掉頭走咗人。
「無事啦，妳乖乖地坐喺度先。」安慰好堯姐嘅同時我落車驗查架車嘅傷勢。
「喂，阿爸？」
「喂，做乜？」
「啱啱我哋比人Hit and Run。」
「吓！咁你哋無事呀嘛？」
「無。」
「咁架車好傷？」
「就咁睇應該得尾泵把花咗凹咗，機器應該無事，無漏水，無漏油。」
「哦，咁你哋返嚟先啦。」
「好。」
成地玻璃碎，睇嚟對面爆咗盞頭燈，但係佢無啦啦做咩要撞我哋？明明我哋三唔識七⋯⋯
我影低咗架車嘅花凹，就返上車。
「好啦，我哋返屋企啦。」我摸下堯姐嗰頭。
「嗯。」
返到去，阿爸已經喺停車場等緊我哋。
「阿女妳返上去先。」
「嗯⋯⋯」
阿堯返上樓之後，阿爸圍住架車驗查。
「應該無事嘅，整返應該唔難。」
「唔。」
「好啦，返上去沖個涼瞓啦。」
究竟佢係邊個？佢無啦啦做乜要撞我？
哩兩個問題一直困擾住我，令到我瞓唔着，坐喺廳度諗。
「唔？仲未瞓呀？」堯姐喺房行出嚟。
「嗯。」
堯姐去廚房斟咗杯水，坐喺我隔離，示意我咪埋眼瞓喺佢大腿上面。
「好啦，唔好諗邊個撞你啦。」
「嗯。」
「有我喺度陪你，瞓醒無事㗎喇。」
「哈，要你安慰返轉頭添。」我苦笑兩下。
「快啲瞓啦～」
「嗯。」
「嘻，乖。」