人要惡過車！: 第六十三章
「你左腳依家踩低極力子呀。」
「嗯。」
「踩到底未。」
「到咗。」
「好，我哋依家入波。」
「嗯。」
我捉住佢隻手，入一波。
「哩個係一波，Ok？」
「嗯。」
之後我同佢每一個波都入一次，之後入返空波。
「你試下入個一波。」
「嗯。」
「跟住鬆開極力子。」
「嗯。」
「噠。」架車之後Chok一Chok。
「哦？架車做咩咁嘅？」
「死咗火嘛架車，哈哈。」我喺度笑。
「吓，咁會唔會壞㗎？」堯好似有啲驚咁。
「邊會咁易壞呀。」
「咁就好，咁依家點算。」
「你踩返低極力子先。」
「嗯。」
「之後入空波。」
「嗯。」
「之後着車啦。」
「嗯。」
架車又再次着返，咁係時候再嚟過。
「好，踩極力子。」
「嗯。」
「入一波。」
「嗯。」
「今次左腳慢慢鬆開極力子。」
「即係咁？」
「無錯。」之後我感覺到架車到咗磨擦點。
「好，停。」
「嗯。」
「Feel唔feel到架車有少少震？」
「吓，咁點算呀？」
「唔洗驚，係正常嘅。好，之後鬆手掣。」
「哩個？」
「係呀，㩒住粒的先，之後鬆。」
「咁？」
「啱。之後慢慢比油啦。」
架車終於起到步，然後我哋好慢好慢咁喺停車場兜咗個圈。
「好，我哋準備停啦喎。」
「嗯。」
「你慢慢踩迫力先。」
「係。」
「好，踩埋極力子呀。」
「Ok。」
架車好順利咁停低咗。
「Yeah！」
「好啦，拉手掣，入空波啦。」
「係。」
之後我哋交換返個位，我做返司機，堯做返乘客。
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
利申：此並非專業教學，如果炒車嘅話唔關我事。XD