人要惡過車！: 第四十四章

過咗幾日，星期五晚我出咗去耀哥間車房。

「喂，僖仔，架車有事？」

「聽日鬥車，想睇吓有無嘢要執。」

「攞嚟睇吓，同咩車鬥呀？」

「MX5。」





「2000嚟喎，1600有啲窄窄哋喎。」

「我明呀，所以我都係搏下㗎喳。」

「咁呀，我幫你執執。」

過咗個幾兩個鐘。

「ok啦，你睇睇。」





架車換咗個碳纖頭冚。

「架車依家應該可以再踩盡啲，轉數可以再高少少。」

「唔該曬你呀。」

「長遠嚟講，你都係要換車㗎喇，有無咩車有興趣呀？我幫你留意下。」

「無乜點諗喎，我再睇睇先啦。」





「好啦，到時我收你平啲。」耀哥喺度笑。

「就咁話啦。」

之後我就返歸瞓。

星期六日抖我不斷來回西貢同坪石邨，為求做好準備。

咁講返堯啦，佢去咗同孖妹玩同行街。

跑得咁多轉，架車要去入油。

「Supreme plus 入滿呀唔該。」

「好。」





入好油之後，個職員行返嚟。

「師兄心機車嚟喎。」

「哈哈多謝。」

「我都想執返靚㗎車。」佢指一指附近架Accord。

「CF4嚟？」

「係呀，近排先買。」

「哦～」





「師兄有冇ig呀？」

「你比你ig我啦，我一陣fol啦。」

「Jacky_cf」

「好啦，下次見啦。」

我又繼續兜圈練。