人要惡過車！: 第二十三章——堯嘅日記（三）

注意：以下為堯嘅日記。

今日個傻仔帶咗我去睇賽車，去到之後，無啦啦有幾個金髮男仔圍住我，叫我上佢車，仲喺度摸我，我真係好驚，差啲想喊，唔通我要比嗰班人捉走？突然間，我聽到有人嗌「停手呀！」，個把聲令我覺得好有安全感，個傻仔幫我趕走咗班人，仲攬住我，輕輕摸我個頭，我覺得好安全，頭先佢仲話我係佢女朋友，唔知佢講真定講假呢。
班人仲唔肯放過個我哋，個傻仔竟然為咗我同人鬥車，佢真係好叻呀，唔洗一陣已經拋離咗嗰班人，跟住班人炒車炒到飛起咗，我嚇咗嚇，問個傻仔洗唔洗睇吓佢，佢話嗰班人抵死喎，佢真係好Man呀。
返去嗰陣，我捉住佢左手，問佢頭先講嘅嘢係咪真，佢反問返我肯唔肯做佢女朋友。衰人，終於肯講出口啦咩，我即刻點頭。落車之後，佢自動自覺拖住我，嘻嘻。好啦，個傻仔訓咗啦，我都要訓啦，傻仔早抖啦。