人要惡過車！: 第十七章

注意：以下將轉回阿僖視覺。

屌，又要上堂啦今日。
堯：「快啲起身啦，今日要返學㗎。」
我：「係，係。」我打咗喊露，刷咗個牙，換好衫就落街攞車。
咁你知屯門公路朝早出九龍係幾咁塞㗎啦，仆街我仲要揸住架棍波車，真係腳都斷。咁我就塞咗喺屯門公路大欖轉車站附近啦。原本都無乜事嘅，屌你老味後面條仆街又呠又閃撚哂高燈咁，心諗做乜撚呀佢。望望後鏡屌條友揸撚住架改到爆嘅Hiace，好似趕撚住去死咁，點知佢無啦啦抽咗埋巴士專線，一枝箭咁標咗去，我心諗：係咪真係咁撚趕呀。
點知過咗陣，條路通返啲，去到沙倉斜路見到條友比差佬截住咗，即刻恥笑佢因快得慢。咁跟住段路都無乜特別，都係經汀九橋、青葵、呈翔龍翔咁返學。
咁上堂悶就梗㗎喇，我根本完全無聽個教授講嘢，同阿堯完全相反。Hea下Hea下又落堂，今日阿堯話想去樂富食飯喎，而我梗係無得say no啦，反正有車同埋唔遠，咁揸過去泊低架車，停車場一出已經係UNY個food court，但係阿堯無行嗰邊，行另一邊。
我：「喂，去邊呀？」
堯：「唔好食food court啦今日。」




我：「咁食咩呀？」
堯：「一陣你咪知。」佢笑咗笑。
咁我跟住佢行，估唔到佢帶我嚟丸龜喎。自從屯市嗰間執咗，我都好耐無食過。

廣告時間：
如果有睇故嘅話，不妨follow埋ig呀
ig會加返故事出現過嘅車嘅示意圖，有興趣可以去睇吓㗎。
ig：cd_rom_2019