人要惡過車！: 第一章

星期五晚，我嚟到屯市某間日式打邊爐舖。

阿Ken：「仆街咁遲㗎！」

阿威：「嗱，遲到請食飯呀！」

我：「屌，屯門公路塞車嘛」

阿皓：「喂，有位啦，入去先傾啦。」





結果我哋七個人就入咗間舖到。

講返少少背景先，阿Ken、阿皓、阿威三個係我

中學時期嘅老死。中學畢業後我哋話過每個月

一定要有一次聚會。而佢哋三個前排都考到車

牌，而我就下個禮拜先考。你會問，咁都係得





四個人啫，何來七個人呀。我自己係毒撚啫，

佢哋唔係嘛。阿Ken有Cheryl，阿皓有阿婷，阿

威有阿淇。三個女嘅都係我哋中學嘅，我都好

佩服佢哋可以keep到咁耐。

阿皓：「下個禮拜到你啦喎僖哥。」





阿Ken：「洗唔洗比啲tips你呀。」

Cheryl：「人哋洗鬼你比tips咩，人哋又唔係

好似你咁，考車牌前嗰晚緊張到咩咁，要我

突登走嚟陪你。」

阿淇、阿婷：「分分鐘人哋揸得好過你哋三個

P牌仔呀。」

阿威：「無啦啦燒埋我到都有嘅。」

結果成餐飯我哋都係吹下水，食下嘢咁。走嗰





陣，阿皓話車埋我，我就跟埋佢哋去停車場。