刀鋒可以與戀愛掛鉤？: 特別篇.FORCE初次登場

特別篇.FORCE初次登場

   『咁阿...阿咩...你叫咩名話？』一個穿著黑色FORCE統領級制服的男人問一個穿著普通FORCE工作服的人，那個被問話的人好像跟怕...頭一直低著。

   『我叫Kenny啊...』那個低著頭的人回复道。

   『啊...sorry啊一時間記唔起，你知啦我最近多野忙啊。』那個看上去高高在上的男人說。

   『唉呀！你咪理佢啦！出去做野得架啦。』忽然一個男的走進辦公室裡。





   『哦...』那個員工便出去辦公室外面了...

   『喂！屌你咩仆街，叫d下屬唔理我，咩威嚴都冇曬啦！以後冇人聽我支笛架。』坐在辦公室裡，喝著維他檸檬茶的男人說。

   『屌！你自己咪又係對d下屬勁好！更何況你本身都冇咩威嚴架啦。』剛拿著一份文件進來的男人說。

   『啊你個傻仔艾榮啊！係咪下下窒住曬啊！』本來坐著的男人站了起來，但依然喝著檸檬茶。

   『份資料係咪ok啦？』那個男人雖然已經喝完了手上的檸檬茶，但他卻不捨得丟，拿著空的盒子不斷地吸著盒子上的吸管，有時候又會咬一下。





   『係啊！唔係點敢搵你啊，你上次叫我搵唔到唔好翻黎啊嘛。』

   『算你個死仔仲記得啦，不過其實我講下笑咋嘛，你做咩突然咁認真嘅？』

   『好咁其實我啱啱都係講笑，而家認真，因為其實我都想知道佢地係咩來頭，所以先認真查下佢地姐。』

   『點解啊？』那個男的很是疑惑，但依然一臉正經的看著艾榮。

   『因為我都想知係咩人要宏少青大爺幫手做咁多野。』艾榮講的話雖然帶骨，但語氣卻很平常。





   『叫何靖天，係個殺手，叫『刀鋒』，咁中二嘅個名？』少青沒理會艾榮，只顧著閱讀手上拿著艾榮給他的資料。

   『喂！你條契弟啊！有冇聽我講野啊？』艾榮半開玩笑地說。

   『蛤？你同我講野咩？』少青逗趣地說。

   『呢度得我同你咋，唔係同你講唔通同棵樹講啊？』艾榮又反駁。

   『鬼知你咩...』

   『我問你啊，點解要幫佢地啊？明明就三唔識七，唔好同情心氾濫啦，你啱啱先坐暖個位，咁快想下馬？你個位幾多人恨都恨唔到啊？』

   『拿拿拿，首先，其實我都唔係太鍾意坐呢個位姐，你唔好講到我咁貪權，第二，我幫佢地係有原因架。』少青急著解釋他並不貪圖權力，卻沒有多解釋原因。

   『首先唔係應該配其次咩...』





   『你咪理啦。』少青意識到自己犯了連小學生都未必會犯的語文錯誤，就氣急地說。

   『你有咩原因都好，你而家係F隊總指揮啊！除左總師令同榮譽師令之外你就係最高級個個，仲要同監視者，個個咩鬼野Nightingale平起平坐，仲統領其他隊嘅總指揮，你以為做錯野比佢地發現真係淨係下馬咁簡單？』艾榮講到這裡，神情就變得緊張起來，彷彿就像在擔心自己認識了好十幾年的朋友似的，雖然的確是。

   『你不如考慮下聽埋先？』少青彷彿沒把艾榮的話聽進去。

   『你都講到咁啦，可以唔聽？』艾榮無奈地說。

   『其實拜託我個個蘭達斯之前救過我一命，我又冇報答過佢，幫翻佢一次好應該姐，個個何靖天係張天明個徒弟黎架，咁更加應該幫啦？其實把野FORCE同DELTA根本都唔在意，比佢地都冇所謂啦。』少青一一解釋道，艾榮亦聽得入神。

   『咁聽你咁講，我地都要幫架啦，張天明都放埋上台，唔幫點得？當初唔係佢，我諗我地而家都可能死鬼左...』艾榮雖然並不想少青冒險，但聽到這裡就不得不同意了。

   『係呢？所以咪要幫囉！呢個人同我嘅救命恩人有咁大關係...加上呢...我知道佢地想對付d咩人，蘭達斯有同我講，所以我都想幫下手，反正我之前冇出過手。』少青又說。





   『佢地唔係要對付咩銀狼咩？好似係個好龐大嘅殺手組織黎...』艾榮比少青的一番說話弄到一頭霧水。

   『少年你太年輕啦！唔止咁簡單，背後當然有更大嘅陰謀啦！哈哈哈哈哈...』少青又故作神秘地說，像極了CCTVB裡的奸角。

   『屌！懶神秘。』艾榮雖然在嘴炮少青，但實際上他知道少青不說一定有他的原因，所以野沒有逼問。

   『好！係咁多，你去做野啦...啊係喎，搵日教你打波啊！廢事你同人撞名但係唔識打波咁好笑啦...呵呵。』少青挪揄道。

   『頂！又攞我個名黎笑！』艾榮的名字就是跟NBA的艾榮撞了，所以經常自我介紹後都會有人問他會不會打籃球，令他非常尷尬。

   『不過都好...搵日啦。』艾榮笑了笑，就從辦公室裡出去了。

    關於政府秘密組織的故事...

    依然在繼續。






   後話：呢個大概就係FORCE呢個組織嘅小故事，而之後FORCE嘅故事就會承接呢個特別篇之前宏少青嘅故事，希望大家多多支持小弟寫嘅故啦！另外...................................今晚有新故！