«流星»: Memory fragment 1

「砰！」 巨大嘅爆炸聲傳入耳中，大鑊，我隻耳開始耳鳴。。。
「隊。。。隊長！隊長！你冇嘢呀？」A...Aerial? 呢個時候佢唔係應該係自己嗰team 間房架咩？仲要叫我隊長？
咪住，呢度。。。咪係HQ 嘅地下設施 西區入口？頂，我到底係邊。。。
望住眼前嘅每樣野，每個人，我暫時估到發生咩事，我應該係諗翻起2年前總部攻防戰嘅畫面，係唔知點解我會有意識咁發夢啫，講開又講，我。。。對於呢場戰事，好似無咩記憶咁。。。

砰！

另一聲爆炸聲傳黎。

「天哥哥！」呢個係。。。流星把聲？





「天哥哥！醒啦！再唔醒我踢你架啦！」擘開眼，望到嘅係。。。。。。天花板？？？

天花板？

我啱啱唔係仲係回憶入面架咩？

睇黎要搵時間好好咁了解吓到底發生乜事，點解我會有呢啲回憶，明明印象中無經歷過，但係諗起黎又係如此真實。。。