《我嘅中學生涯竟然係同兩個女仔探討夢想》: CHAPTER「50」
「肥熊，得返我地兩個，唉。」
「冇計啦，飛機唔喺度，白頭佬又唔踢。」
我和肥熊正前往北區運動場，準備選拔。
第一次選區隊還是有點緊張。
到達球場後，發現大約有三十至四十個人，似乎都是等待著選拔。
我們在換好裝備後便步出球場。
「嘩...咁多人嘅...」肥熊說。
「區隊嘛，聽落都型啲。」我說。
片刻後，一名膚色黝黑的中年男子走到我們前面，他身穿香港足總的教練衣服，應該是區隊負責人。
「大家好，歡迎你地黎選區隊，踢得區隊嘅都要有返咁上下實力，所以一陣我會睇你地嘅水平。」
「我會揀二十個，作為來年嘅球員。」
那豈不時二分一的機會，不過都算容易。
始終這區的實力應該不算太強。
「著好龜背就開波。」
我和肥熊被分配作同一隊，在簡單的位置分配後便開始作賽。
選拔後，我和肥熊便聊著剛才的選拔。
「啲人都唔係好勁啫。」肥熊說。
「有啲都唔差嘅。」我回應。
「咁我地都好大機會入到。」肥熊接著說。
「得你一個龍門選，想唔入都難啦。」
「不過聽日都有選拔，好似話聽日就會公佈邊個會入選。」
「頭先我見個阿SIR幾鍾意你咁。」肥熊笑道。
「咪講到咁撚基。」我白了他一眼。
我們分別後，我便WHATSAPP曉兒，告訴她今天選拔的事，之後我便回家洗澡。
洗澡之後，我攤在床上拿起電話，發現曉兒仍未看到我的信息。
「嗯？少有喎，唔通收唔到？」
「打打比佢先。」
嘟，嘟，嘟，嘟。嘟。
電話暫時未能接通。
奇怪，可能睡了，明天再找她吧。
「早晨。」我笑道。
「喂，早晨。」旁邊的白頭佬說。
「琴日選成點？」白頭佬問。
「普通啦，你又唔黎。」
「都話想陪允晴。」白頭佬笑道。
「係喇知你痴情。」
「不過今日唔見佢返學。」
嗯？
「你地唔係日日都一齊返學？」我問。
「係呀，我打比佢，佢都冇聽。」
「咁奇怪...曉兒都冇聽我電話...」
我今天起床之後，發現她還未看我的訊息。
「可能佢兩個有野做，哈哈。」白頭佬說。
我攤攤手，表示不知道。
小息時，我到隔壁看看曉兒在不在，但沒見她的身影，可能真是和允晴有事要做，所以我便回課室了。
「行得未。」我問肥熊。
「等等！」肥熊站起來，走到阿婷身旁悄悄說了些話，真是的，重色輕友。
看到阿婷旁的家欣，不小心跟她對上了眼神。
有點奇怪的感覺。
「行得喇！」
「今日都幾熱下。」我說。
「一陣就住啦，驚你又暈，哈哈。」肥熊說。
我白了他一眼，便步出更衣室準備選拔。
今天的人數比昨好像更多，或者有部分人昨天沒有空，所以才沒有來。
「我一陣就會講邊個會入選。」
「所以你地盡量表現自己啦。」
那個負責人好像叫Jacky，應該是來年北區區隊的領隊及教練。
「入到區隊嘅，就可能有得踢上去，話唔定有朝一日我可以踢曼聯！」我興奮地說。
「屌收皮啦，邊有咁易。」
果然肥熊是來潑冷水的。
感覺這天來選拔的人比昨天更強，我的體力也消耗得比昨天快。
「呼..呼..好攰。」我坐在場邊說。
「好彩我唔洗跑，爽。」肥熊笑道。
「大家靜一靜，我而加會揀人喇。」Jacky站在我們前面，觀察著我們。
有點兒緊張。
「你。」
「你。」
「你。」
區隊選拔是這樣的，因為教練不會記得全部人的名字，所以在選人時會逐個指著。
「你。」還剩三個。
「你。」肥熊也有。
「你。」最後一個了。
「........」
「同埋你。」
YES！果然主角是最後再出場。
啊，幹，跟得肥熊多學了他的中二病。
Jacky稍為交代詳情後，我和肥熊便離去。
「輕輕鬆鬆啦！」肥熊笑道。
「好彩最後一個係我，嚇死。」我說。
「屌，你點會入唔到。」肥熊白了我一眼。
也是的，哈哈。
先把這好消息告訴曉兒。
「What？仲係單剔？」我看著電話。
「咩呀，佢仲未睇到？」肥熊說。
「係...好少見佢咁....唔通又嬲左我。」
「但我冇呢排都冇做咩....」很懊惱。
「唉女人係咁架啦，遲啲就覆。」肥熊說。
我只好無奈地點點頭。
「話時話，頭先真係好攰。」我說。
「梗係，你又唔練下啲體能，白頭佬晨早叫左你去跑下步架啦！你唔聽啫。」肥熊笑道。
「冇計，唔係我唔跑，只係自從上次跑跑下暈低之後，我都驚左。」我攤攤手說。
「好彩....家欣救返我，再送我去醫院。」
雖然家欣挺麻煩，又累我和曉兒吵架。
但不是她，我可能早已不在人世。
「下？」肥熊驚訝地喊。
「咩料....」我不解地說。
「你...你啱啱...話家欣救左你..我冇聽錯掛。」
「係呀，有咩問題。」
「嗰日去到醫院，醫生話我送黎之前比人做左簡單急救。」
「係家欣送我黎嘅，唔係佢救我係邊個？」
我一連串地解釋。
「哈哈..你講笑咋下話？」肥熊睜大眼睛說。
「咩呀...有野就講啦...」我有點急躁。
「家欣救你？你冇上全方位學習咩？」
「有呀，咁點。」我說。
肥熊托托眼鏡，神色凝重地說。
「計返時間，冇記錯嘅你暈嗰日，仲未教到心外壓，但係當去到教心外壓嗰日，你唔見班女，學到雞手鴨腳架咩？」
肥熊這樣一說，我又有點記憶。
「同埋阿婷同我講返，家欣幫佢做心外壓嗰陣，連個心臟喺咩位置都未搞清楚喎。」肥熊接著說。
「所以你話佢幫你急救，我有保留。」
不是吧？開玩笑吧？
「但...家欣之前有幫我消毒過傷口...又幫我貼過膠布...呢啲基本急救...佢..佢應該識掛？」我緊張地問。
「屌，你都識話搽下消毒藥水貼下膠布，呢啲弱智都識啦！但心外壓同人工呼吸呢啲點同呀？」肥熊看著我說。
「咁...咁..嗰日..」
「係邊個救我？」
頭...好痛.....
當天的記憶隱約地浮現。
「.....乜...........事.....」
「我..............走........」
「唔............啲........」
「我.................洗....」