《我嘅中學生涯竟然係同兩個女仔探討夢想》: CHAPTER「4」
我換上整齊的校服，穿上皮鞋，這次準不會出錯了吧。昨天太累穿錯鞋子，今天精神還不錯，應該沒漏什麼東西吧？
應該。
我沿著華心商場穿過天橋到花都廣場，準備再前往華明時，雨勢突然大了不少。
「頂.....又會落咁大雨嘅，拎把............咦？！我把遮呢？？？」
「屌，居然唔記得拎遮，怪唔之得形住有野冇帶啦......唉，琴日就著錯鞋，今日唔通要變落湯雞？」
正當我準備冒雨衝出去時，有一把悅耳且溫柔的聲音在我耳邊出現...
「卓樂言，你冇帶遮呀？」
「......咦？你......你......你係陳曉兒？」
「下！我唔係咁邊個係...你都冇記住人地嘅！哼！」
「呃...Sorry呀，係呢......我......冇帶遮.......你可唔可以遮我返......學校？」我有點不好意思地問她。
「講唔該先！」
「唔......唔該...」
「嗌聲姐姐黎聽下先！」
「咁......好似......唔係......」
「哎也唔玩你喇，就黎遲到！快啲入黎啦，又話要我遮你。」她把傘子移過一點，好讓我能進去。
「呃...係呢，你住呢到附近？」我們的膊頭都剛剛碰到對方，氣氛好似有點怪。
「哦？做咩呀？咁快想起我底？我唔會咁易比個地址一個男仔架。」她的眼睛瞇成一條線。
「喔，冇......係咁兒問下姐......」
「講笑姐，我住花都B座架，即係中銀對面嗰座。」
「你又話唔會比個地址.....」
「頂你男人老狗咁多問題架，咁你呢？住景盛苑？賢景閣？」我打了個突。
「What？？？你點解會知？！？！」
.............她沒反應......................
走著走著就到了校門，雨勢也減弱了不少，但應該不能在操場早會了，似乎會上課室吧。
「唔該你呀。」
「洗乜客氣呀！不過咁，今日我遮左你返黎，你爭我一個人情。」
「Um.........好啦，如果唔係你遮我我應該濕曬.........就咁決定！」
「勾手指尾！」她伸出纖幼的尾指舉向我。
「咁小事都要勾手指......小學雞......」
好滑，好嫩。
「喂？做咩發曬夢咁呀，唔講住喇我要去搵Miss Chan呀拜拜。」然後她就走了。
Miss Chan？那教英文的老師？她好像也是舞蹈班的導師。
還有那個人怎麼知道我的住址？？她究竟是何方神聖......
不理了，先上課室。
我拖著半濕掉的身子步入課室，雖然只是第二個上課天，但大家已經打成一片，混熟了不少。
望向家欣的位置發現她還未回來，平日的她很早便會出現在課室中，連旁邊的鄭君婷也不在，難道發生什麼事了嗎？
我回到座位上然後準備小睡一會，正當我閉上眼睛，飛機拍一拍了我。
「言仔，今年足球隊定左逢星期四同五都會練波呀，好似話請左個新助教幫石SIR喎。」
「哦，好呀，咁第一次係幾時練呀？」
「冇估錯應該下星期就會開始，石SIR話今年想踢入大北決賽，目標係冠軍喎。」
「終於都有啲理想......前兩年踢硬地次次都八強就出局，今年開始踢草，要拎返啲成績出黎。」
「屌！今年有你！有白頭佬！有我！仲有肥熊，實拎冠軍啦！」飛機越說越興奮不小心叫了出來。
「曉男，唔好講粗口呀。」原來寧寧在課室......她的存在感實在太低了。
「我返去會開個WHATSAPP Group，到時Add你入去。」
「OKOK。」
八時正，我才看見家欣和鄭君婷徐徐步入課室，她們還目無表情地看了我一眼。
……………
小息鐘打響，我走到家欣面前，打算問她一會兒放學買物資的事。
「家欣......一陣我地咪約左嘅？咁我地今晚不如食.........」
「我今日冇約你。」
我呆了，明明昨天才在電話上約了我，怎麼今天就變了另一個人似的......究竟發生什麼事了。
「呃...家欣......究竟做咩事？你可唔可以講我知？」
「唉你唔好問啦！總之家欣話冇約就冇約，你走啦。」一旁的鄭君婷突然站起來，課室嘈雜的人群也因此停止他們的動作，靜靜的看著我們，為避免其他人太過留意，我只好回到座位上。
「你同家欣搞乜？」他們三個同時看著我。
「我都唔知。」
突然，一把熟悉的聲音在課室門口傳出。
「我想搵卓樂言呀。」
「喂！屌你言仔，隔離班個女神搵你呀仆街仔！！！」肥熊一副淫邪的樣子看著她。
我偷偷地瞄了家欣一眼，發現她和陳曉兒的視線竟然接上了？突然有種奇怪的感覺。
「陳曉兒......？你搵我咩事？」
「冇呀......想搵你傾下計囉！我好悶呀。」說罷，她突然用手挽著我的手臂。
「喂......你做乜..........」
「出走廊傾啦，呢到唔係咁方便呀！」我留意到她擰轉頭看了班房一秒。
她趴左走廊的欄牆上，嘟起嘴。
「究竟咩事？」
「你一陣放學得唔得閒？陪我出上水行下街！我想買對跳舞鞋呀。」
唉，究竟家欣怎麼會變得這麼冷淡，到底發生了什麼事？我好不好去關心一下她呢......但是鄭君婷就像一道防火牆，如果我嘗試接近家欣她一定會把我趕走的，我腦袋中全是對家欣行為的猜測，完全沒把陳曉兒的說話聽進耳朵內。
「喂，發咩佝瞀呀，有冇聽我講野架你。」陳曉兒輕輕拍了我的額頭一下。
「呃......唔好意思，我頭先諗緊野，你啱啱講咩黎？」
「乜有個靚女同你講野你都可以咁唔專心架？你頭先諗咩呀？講黎聽下。」
「冇咩特別......有啲野唔明姐。」
「哦~~~即係諗女啦！唉唔理你諗女定諗仔，一陣放學得唔得閒呀？同我去上水買野OK？」
本來今天放學是約了家欣的，但是看來沒有任何跡象顯示她會跟我約會，反正一會兒放學沒什麼特別事情，跟這個女孩出去一下也沒所謂吧......始終人稱華嶺古天樂的我還不懂拒絕女生。
「我冇問題呀，但你怕唔怕其他人講閒話，始終我同你好似唔係太熟......」
「屌！乜你男人老狗咁鬼婆媽！驚咁多做咩，把口生喺人地到佢地要講都冇計。」
「總之一陣放學喺課室出面等啦！唔準放我飛機架下！」
「知喇知喇。」
啪！我被肥熊伸了一腳......
「屌你個衰仔！幾時食左隔離班女神？？」
「乜鳩......」
「陳曉兒好地地做咩會搵你，你地仲唔係有路？」
「屌你細聲啲啦......咪比家欣聽到......佢好似嬲嬲地。」
「哦！原來偷食比正印發現左。」
「..................」
肥熊看我沒理會他，就去了找鄭君婷聊天，不要看肥熊是個宅男，其實他哄女孩子也是有一手的。不用十秒他已經把鄭君婷弄得捧腹大笑。
「究竟家欣做咩呢......係咪我做左啲咩激嬲佢......」我仔思回想這兩天的事情也找不到原因。
「唉，都係今晚再WHATSAPP家欣，佢面對面好似唔太肯同我講野......」