《一零六四》: 後記

呢個故寫咗兩個星期，七萬字。

有留意開樓豬故事嘅讀者，應該都知《一零六四》係寫俾喺我生命裡面，一個好重要嘅人，呢個人，可以話陪我走過咗大半個U life。

當初冇諗過會寫呢個故事，但係發生咗某啲嘢，令到我開始落筆。

好多錯字、劇情推展得好快、冇咩內涵、亦完得有啲急，大家輕力啲插。

成個故事都係樓豬憑記憶寫返出嚟，有好多不足嘅地方，希望大家見諒。





以表白作結，希望用一個美好嘅ending去結束，本來係打算寫埋一齊咗之後發生嘅事，不過最後因為某啲原因，就決定停喺呢個位置。

呢個故事唔長，只有七萬字左右，冇伏筆，亦都冇咩驚心動魄嘅情節。

不過，人與人之間嘅感情就係咁平凡。

好多謝呢個月以嚟支持樓豬嘅讀者，樓豬抖一排之後又會繼續寫故，至於幾耐就未肯定，以樓豬嘅性格，有可能係一個禮拜，又可能係一個月。

至於《一零六四》呢個名係點嚟，就係取自樓豬同姐姐自相識以嚟，去到樓豬落筆寫呢個故事嘅日子，總共係一千零六十四日。





生活就係咁無奈，好多人係過客，留得低嘅唔會多，但肯留低嘅人一定係好重視你。

所以珍惜眼前人啦，唔好再俾自己後悔。

樓豬會繼續同大家吹水，直自推爆呢個post，樓豬愛你地每一位巴打。

多謝大家