《一零六四》: 第五十八章「始終如一」

O night完結後，我和愷淇還有Kenneth跟組仔女道別過後也離開Party Room，本來我是打算送愷淇回家。

「唔洗啦我住咁近！你同Kenneth返hall啦！」

「咁樣呀，好啦你自己小心啲。」我微笑道。

「嗯！我走喇拜拜！」說罷愷淇便入閘。

至於我和Kenneth則到APM地下坐巴士。





「喂頭先食檸檬喎。」Kenneth搭著我說。

「幾時有呀，咁愷淇真係住得近呀嘛。」

「挑..你個傻仔真蠢到一個點，住得近就唔洗送呀？今次唔送人返去，下次就唔輪到你送架喇。」

「做咩咁講？你唔係諗住話William會送掛？」

「你又蠢唔曬，頭先你唔見佢係咁撩愷淇講野咩。」





「見到，又有咩問題。」

「屌你係咪自己呃緊自己，William擺明對愷淇有野啦，你唔係咁都睇唔出呀？」Kenneth無奈地說。

是有留意到William會經常主動跟愷淇說話，但不代表這樣就對愷淇有意思吧，可能只是比較外向。

想到這裡，發現倩柔跟我是特別多話說，反而跟其他人相處時有點靜，不知道是什麼原因。

「又諗咩呀你。」





「諗緊聽朝早餐食咩。」

「再係咁落去你就淨係可以食自己。」

我敷衍地點點頭，便沒理會他。

臨分別時，Kenneth拍一拍我。

「仲有，做人唔好咁貪心。」

真是聽得我一頭霧水。

回到hall後，我便收拾後天ocamp要用的東西。

「喂Hi，去邊黎。」Roommate問。





「Onight囉，後日要做組爸呀。」

「哦...我都想玩，但係唔識人。」

「下年你可以玩我下莊Ocamp。」

「到時我幫你問下，點稱呼你。」我看著他說。

「叫我彬仔得喇。」他笑道。

「你呢？」彬仔說。

「連浩翹，叫我呀翹。」





說罷我便繼續收拾物品，片刻之後就去了洗澡。

在浴室內，我一直思考著應該何時表白。

Ocamp完之後立即表白？

還是再等多幾星期？

有沒有人可以告訴我。

洗完澡後，彬仔還未睡覺。

「平時都係咁夜瞓？」我說。

「係呀慣咗。」





「彬仔，方唔方便傾幾句。」

「嗯？」他停下手中的工作看著我。

我把跟愷淇自認識以來的經歷用五分鐘說了一遍。

「嗯，我建議你一完Camp就去馬。」

「真係？」

「係呀，聽你頭先講嗰啲野，你地都經歷咗唔少，而且佢似乎都對你有好感，趁你地仲親近快啲表白。」

「唔係再等就冇機會架喇。」彬仔笑了笑道。





「好啦，唔該你！」我拍拍他說。

有時候，跟不熟悉的人，反而可以暢所欲言。

真的很奇怪。