《一零六四》: 第五十六章「友情歲月」

三日的迎新營終於完結，這段時間我真的好痛苦，已經要早起晚睡，東奔西跑，又要看著愷淇和別的男生在有說有笑。

好辛苦好辛苦。

在組爸媽和組仔女離開的時候，愷淇走到我旁邊。

「喂你見點呀，見你呢三日好似唔太開心咁。」

愷淇一副擔心的樣子，好像很在意我。





「冇事，放心。」其實只是死撐。

「係咪架...有嘢要講喎...唔好收收埋埋呀。」

「知唔知。」愷淇對我笑了笑。

「嗯，知道。」我也報以一個微笑。

「我地下星期又見喇喎。」愷淇說。





「係呀終於輪到我地part組爸媽。」

「終於..？原來你好期待架？」愷淇哄前身體問。

「唔..唔係呀！邊有！」我別過臉說。

「哼，明明係又扮唔係，都唔知你諗乜。」

「好喇我要同組仔女去食宵夜，你搞掂之後就快啲返去休息下啦，呢三日你都好攰。」愷淇拍拍我的肩膀道。





「我會架喇，唔洗擔心我喎。」

「快啲去搵你班組仔女啦！」我說。

愷淇瞪了我一眼，便轉身離開，又好像輕聲說些了話。

「超...唔擔心你擔心邊個......喂！等埋組媽呀！」

剛才有沒有聽錯？

可能是工作太累出現幻聽罷了。

「喂阿翹，執埋啲行李返hall啦。」煒程叫道。

新學年除了Winky，煒程和可盈也有住hall，所以我們三個會一起回學校，也好。





起碼不用孤伶伶一個人離開。

我們call了uber回去，因為太疲憊。

雖然很貴，但是一次半次沒所謂。

在回程途中，可盈主動問起我。

「翹，你同愷淇究竟點架。」

「冇點呀...咪又係咁。」我看著窗外說。

「唉真係唔知你諗咩，咁耐啦都，仲唔一齊。」





「咪係囉..睇到我嬲呀。」Winky也說。

「我明嘅，男仔唔係咁易表達自己嘅心意。」煒程搭著我，用同情的語氣說。

其實也不是，之前Kimberly那次我也很勇敢，只是失敗後就不再那麼大膽了，現在想起也很羞愧。

而且，還要跟愷淇搭擋做組爸媽，要是真的表白也起碼等到Ocamp完之後再行動好一點。

「你自己醒水啦，講到口臭。」可盈瞪著我說。

我無奈地點點頭，就睡起覺來。

回到hall後，又看到新roommate。

「Hi。」我看著那男生說。





「Hi。」他報以一個微笑。

我們沒有問對方的名字，因為感覺總有一天會知道。

加上他的氣場比Ronald要正常得多，要是真的聊起天來我相信也不成問題，沒必要特意問名字那麼見外。

「我沖涼先，你用唔用廁所。」

「唔用，你沖啦。」

你看，正常人就是正常人，說起話來中氣十足。