《一零六四》: 第四十八章「感情升溫」

我慢慢張開眼睛，發現自己仍然坐在馬桶上，不過愷淇已經不見了，嗅嗅衣服，一陣嘔吐物氣味。

「唔得...沖個涼先...」

回到房間後，愷淇已經換上新的衣物。

「終於訓醒拿你個傻仔。」愷淇微笑道。

「啊..係呀，琴晚飲得太多好辛苦。」





「梗係啦，幫我飲咗咁多酒。」

說罷愷淇從背包拿出兩粒解酒丸，並倒了一杯水給我，然後對我笑著說。

「同我食咗粒藥佢！」

「收到。」我便接過水和藥。

「去沖個涼先啦，就黎要行喇！」





吃藥之後我去洗了個澡，換好衣服就和眾人出去，今天的行程只是在營地裡玩玩遊戲和跳Camp Fire。

前往禮堂途中，我和愷淇並肩而行。

「翹，琴晚...我係咪好樣衰..？」愷淇臉上泛起紅暈，害羞地問我。

「都唔係呀，仲係咁靚女。」我搭著愷淇說，看著她說。

「噗，成日口花花呀你，學壞曬。」愷淇甜笑一下說。





「講事實啫～」我攤攤手道。

在禮堂裡，愷淇正盤腿坐在地上，一邊聆聽遊戲規則，Kenneth則把我拉到身旁。

「喂你個仆街仔，琴晚同愷淇成晚喺廁所搞咩黎？」Kenneth用銳利的眼神望住我說。

「無可奉告。」我沒好氣的說。

「你個下流賤格嘅大仆街...」

我聳聳肩，便別過臉。

「喂喂喂！你地講緊咩呀？」愷淇臉上露出疑惑的表情，轉過身看著我們問。

「冇呀我地講緊一日飲幾多杯水先夠健康。」Kenneth一臉認真的樣子說。





我對Kenneth笑了笑，便回頭看著愷淇。

「超！唔講咪唔講，好巴閉咩。」

當然不能說，要是你聽到會打死我的。

「氹返人啦你。」Kenneth笑道。

我坐前少許，搭著愷淇，愷淇便抬起頭來。

「喂呀你地講咩啫！」愷淇噘起嘴說。

「我同佢講你琴晚攬住我訓囉。」我說。





愷淇頓時害羞起來，又甜笑著。

「唔準周圍講呀！」愷淇掐著我的臉說。

「咁同你講得唔得～」我含情脈脈地看著愷淇說。

「噗，好樣衰呀你。」愷淇笑了笑道。

下午也沒什麼特別，都是一些團體遊戲，大家隨隨便便玩過就去吃飯。

晚上的Camp Fire才是焦點所在。

在房間內，眾人圍成一個大圈。

「唔想跳呀屌。」Kenneth厭惡地說。





「人地等緊你，快啲去啦gogogo！」我看一看隔離組的OC，便恥笑著Kenneth。

我看著愷淇，跟她相視而笑。

「又跳Camp Fire，正。」我說。

「你梗係正啦...借啲易摸身摸勢...」愷淇不屑地看著我說。

「咪又係拖下手仔～你唔想呀～唔想嘅我唔跳囉～」我假裝不在意的說。

愷淇氣得臉紅耳赤，哼了一聲便別過臉。

片刻之後，音樂開始播放，眾人就跳起舞來，我從後拉著愷淇左右移動，享受這刻的時光。





在跳舞期間，我和愷淇不停看著對方，互相笑著，應覺比起上一次，大家都放鬆了不少。

晚上的活動完結後，我們就回到房間。

「今晚唔好再嘔落我個身到。」我笑著說。

「嘔落你頭到好唔好？」愷淇拍了拍我道。

「你鍾意啦～」我聳聳肩說。

快樂，無比的快樂。