《一零六四》: 第四十章「不解」

完成夜晚的活動之後，便是檢討會，主要由組爸組媽提出是日流程的不足或者建議。

「你地個Rundown要再清晰啲。」

「多啲時間食飯會好少少。」

「中間太多Dead Air喇。」

「啲Game唔夠，諗多幾個啦。」





我們把眾人的提議記低，好讓在正式Ocamp時能夠加以改善。

檢討會完結後，我和莊員們都筋疲力竭，因為足足忙了一整天，基本上沒什麼休息時間。

終於在凌晨三點鐘，大家都處理好所有事情，能夠回到房間休息。

「好撚攰....」Dicky攤在床上說。

「哎..終於有得抖下。」可盈伸伸懶腰道。





「頭先啲爸媽都幾惡。」煒程嘆氣說。

「都冇計啦，係講得啱，我地有好多地方都做得好差，正式Ocamp嗰陣唔可以犯錯。」Johnson說。

至於我就獨個兒坐在牆角，思考著些事情。

明明跟只有我和Kimberly在一起時也沒什麼特別，但是看到愷淇時，會有種內疚的感覺。

而且看到愷淇和Thomas聊得很高興，我的心會有點不舒服，是什麼原因？





難道我在吃醋。

不會的不會的，我不是喜歡愷淇。

「喂，冇事呀嘛你。」Winky見我獨自在坐在一旁發呆，便走過來慰問我。

「喔....冇事。」我搖搖頭說。

Winky嘆嘆氣，坐了下來。

「煩緊咩呀？Pre Camp啲野？」

我搖搖頭。

「都係，你今日都做得幾好。」Winky說。





片刻之後，Winky又說。

「唔關Pre Camp事...係咪感情嘅野？」

我愣了一下，又微笑起來。

Winky的洞察力也挺不錯。

「翹，你係咪對愷淇佢...？」Winky問我。

我沒有立刻回應Winky，而是抬起頭思考著。

幾秒後，我便回答Winky。





「嗯...我都唔知，但係唔知點解當我見到愷淇同Thomas傾計嘅時候，個心會嗱住嗱住。」

「同埋，頭先我同Kimberly一齊行嗰陣...」

「我地個攝影師？」Winky問。

「係呀。」我微笑道。

「一齊行嗰陣撞到愷淇同Thomas。」

「咁跟住呢？發生咗咩事？」

「我見到愷淇嗰陣.....會覺得內疚，好似唔想比佢見到我同第二個女仔咁親近。」

Winky看著我，默默地點頭。





「依照你咁講....」Winky托著頭說。

「我覺得你點都有少少感覺嘅。」

沒理由的，我為什麼會對愷淇有感覺。

由第一天認識愷淇，只是一起玩過鬼屋、平時會互相揶揄對方、間中放學會碰到、愷淇帶我去炒散，最多就是這陣子因為做組爸媽，見面的次數多了。

「但係...又冇理由...我同佢...」我說。

「我唔知詳細係點啦！」Winky站起來。

「始終係你嘅私人野，唔問太多！」





「不過你最好問清楚自己，對人有冇野。」

「唔好亂咁比Signal人！」Winky說。

我點頭微笑，謝謝Winky的慰問。

那麼我是否喜歡上了愷淇？

真的不知道。