《一零六四》: 第三十七章「突如其來」

三小時之後就是Psycho的Pre Camp，我正和莊員們點算物資以及準備學校的場地。

「翹，你睇咗份Helper List未？」Johnson問。

「睇咗啦，一個都唔識。」我聳聳肩說。

基本上所有Helper都是莊員的朋友，我完全不認識，但我卻要負責聯絡他們，還有安排工作。

「過多兩個鐘啲Helper應該就會到齊，不過你喺Whatsapp Group再提多次集合地點同時間。」





「OKOK。」說罷我便拿起電話通知Helper。

「提多次 1100李惠堂大樓307集合」

發出訊息五分鐘後，大部分Helper都看了。

「大家過一過黎。」Johnson喊道。

「好快就開始喇，係咁易講返啲野，雖然只係Pre Camp，不過大家比心機搞好佢。」





「要做返啲野比班上莊睇。」Johnson說。

眾人點點頭，相互報以自信的笑容。

十一點十分，大部分Helper也到齊，我便開始逐個點名確認，再看看誰還未到。

「差一個嘅...唔緊要，你地跟返Whatsapp入面個工作分配，去返自己崗位Stand By同預備要用嘅物資。」

經過大半年的上莊生活，我也漸漸適應這種官腔的感覺，反正就是照稿讀出來。





眾人點點頭，便各自工作去。

差一個人，我看了看名字旁的崗位，攝影師。

「郭詠妍？應該係女仔黎...」

正當我打算聯絡那個未出現的Helper，聽到一把熟悉的聲音，這個人是？

「喂！好耐冇見！」

完全不敢相信眼前所見的是事實。

「Kim..Kimberly？」發生什麼事。

「做咩咁嘅樣呀？」Kimberly笑道。





「你點..點解會喺度？」我呆呆地說。

「我黎做Helper囉！我負責影相！」

慢著，Kimberly竟然是攝影師。

「你原來叫郭詠妍？」

「比你發現左添，呵呵。」

我記起了，當初認識Kimberly時，她只給了我Instagram，並沒有把電話號碼也給我，因為我的聯絡人裡沒有Kimberly，所以在Whatsapp Group是不會知道有她的存在。

「怪唔之得，原來係咁。」





「喂！阿翹！你地識架？」煒程問。

我尷尬地點點頭。

「係煒程搵我黎做Helper架。」Kimberly說。

「喔..哈哈哈哈...」

「唔講住！我去影相先！」

這麼久沒見Kimberly，我還是老樣子。

依舊偷偷盯著她的雙腿。

但，有種不祥的預感。





十二時三十分，組爸組媽和OC都陸續到齊，在MC一輪門面說話後，眾人便開始進行City Hunting。

我和莊員執捨好物資，便前往鯉魚門度假村。