《一零六四》: 第三十二章「見面」

這天Kimberly突然約我放學之後去Canteen食下午茶，當然我是十分樂意，反正沒有特別事要做。

「咁冷淡嘅你呢排。」Kimberly噘著嘴說。

還不是因為你拒絕我的表白。

「喔冇，最近忙住做莊務同面試。」

「面咩試？組爸？」





「係呀我遲啲會玩ocamp嘛。」

Kimberly托著頭，眼珠上下轉動，似乎在想什麼。

「啫係你會做組爸？搞錯呀唔搵我玩嘅！」

「.............」我無奈地看著Kimberly。

「點知你想玩。」我說。





「咁你又唔問我。」Kimberly瞪著我說。

只是怕被你再拒絕，不了。

「下次啦，我都搵左組媽。」我聳聳肩道。

「嗯？你都會搵到組媽？」Kimberly笑道。

「你呢個笑容係咩意思。」





Kimberly沒說話，掩嘴笑了笑。

吃過下午茶後，我們便一起回宿舍。

不過是回各自的房間罷了。

到了晚上，我跟愷淇還有Kenneth在沙田新城市廣場見面，雖然大家是omate，但既然要一起玩ocamp，也是要多加認識。

「Hi愷淇。」Kenneth微笑著說。

「Kenneth...定叫你志龍好啲。」愷淇淺笑道。

「叫返我Kenneth啦！好聽啲。」

「我都覺。」愷淇點點頭說。





「一陣我地食咩好？」Kenneth問。

「不如食韓燒，樓上有間好好食。」愷淇說。

似乎我做了電燈泡，是不是離開一下會好點。

「喂，做咩唔出聲呀。」愷淇拍拍我說。

我別過臉，雙手放在後腦，擺出一副厭世的表情，然後淡淡地說。

「唉你地傾得咁開心，費事搭嗲啦。」

愷淇笑了笑後，突然翹著我的脖子。





「咩呀，呷醋呀？」

「呷..呷你老味。」

「唔好玩佢啦，哈哈。」Kenneth笑道。

愷淇便鬆開我，繼續和Kenneth交談。

不知道是什麼原因，心好像有點酸。

奇奇怪怪。