《一零六四》: 第二十七章「合作」

讀完一個Sem之後，感覺生活有點頹廢。

不是睡覺就是上課，除了間中可以做做莊務，真的無聊得要死，而且還失戀了。

但是經過一段時間的冷靜。

我終於慢慢放下Kimberly。

「有排填喎...」我看著眼前的表格說。





「都要填架，唔係邊有場比我地搞Camp。」

我和莊員們正默默地填寫著營地申請表，起碼要填幾萬張，可怕的是要逐張親手填。

要大量申請表的原因是需要提高我們抽中營地的機會率，越多form就越大機會抽到場。

「希望中到鯉魚門啦。」Johnson說。

「呢個真，一黎我地熟個場，二黎附近有宵夜食，但如果抽中麥理浩嘅話。」





「真係搞唔撚掂。」Dicky說。

上莊就是這麼辛苦。

奉勸各位有興趣的真是三思而後行。

經過一星期的苦戰，終於填好三萬份form。

三萬份只是pre camp的數量，到正camp可能甚至要填上七至八萬份，真是變態。





「好撚攰...」我攤在地下說。

「寫到手都跛。」煒程搖搖頭說。

除了舉辦自己Society的Ocamp，大家都提過會玩其他Society的Ocamp，做組爸組媽。

「話時話，你地搵到人part未？」Winky說。

「我搵左上年同組嘅一個女仔，但係OC仲未搵到，唔知搵邊個。」Johnson說。

「我都未搵到.......」我說。

「呀唔係，Kenneth話做我OC。」我補充道。

「咁組媽呢？」可盈問我。





「點Q知，鬼有女仔friend咩。」

「咩呀，你同愷淇唔係幾熟架咩。」

咦？我居然沒想過找愷淇。

不過很久沒聯絡。

「都係嘅，但唔知佢肯唔肯喎。」我坐起來。

「屌咩，你開到聲點會唔肯。」Dicky笑道。

但我又不想特意Whatsapp愷淇。





要是放學碰到她就問問吧。