《一零六四》: 第二十四章「尋找」

自從上次跟Kimberly看電影之後沒有表明心意，我一直耿耿於懷，覺得好像錯失良機。

不過除了平時會一起上課，間中也會相約吃飯，感情依舊挺好，還有機會跟她說。

「點呀你地上左莊之後幾好嗎！」

Cindy約了大家在旺角Reu，眾人都有出席。

「而加唔算太忙啦！早排Promotion Period先辛苦，做到我同Winky就死。」可盈掩著臉說。





「咪係，阿翹Freeride我地！」Winky笑道。

「做咩拉我落水，明明我好認真嗌莊。」

除了阿輝、Alice和多多落選，Dicky、煒程、可盈跟Winky都有上莊，愷淇則去了籃球學會。

「所以你咪得把口囉。」愷淇也說。

「係？唔知如果我話有人鍾...」我淡淡地說。





突然，坐在旁邊的愷淇馬上伸手掩著我的嘴巴，然後狠狠瞪了我一下。

「一早通曬天啦。」Cindy笑道。

愷淇只好放開手，無奈地搖搖頭。

「係咪你爆出去架？」愷淇看著Alice說。

「梗係唔係。」Alice攤攤手道。





「既然大家都知，不如分享下啦！」嘉嘉說。

愷淇尷尬地看了看眾人，便開口說。

「個男仔係我莊員黎嘅...」愷淇臉紅起來。

「不過佢好似好吊兒郎當咁，搵完我之後又唔覆機，搞到我唔上唔落。」愷淇接著說。

我就在一旁吃花生。

此時Joseph也加入對話。

「Thomas係咁架啦，人又靚仔，咁多女埋身點會得閒覆你Whatsapp。」Joseph說。

「你唔好講呢啲啦。」Cindy瞪著Joseph。





愷淇一直低著頭，片刻之後又抬起頭說。

「不過我都知嘅...所以都半放棄狀態。」

Winky見氣氛有點奇怪，便隨便說了些話。

「哎唔好講喇！話時話你地做唔做組爸媽？」

「我會去隔離Camp做組媽呀。」可盈說。

「我同Dicky都想玩。」煒程說。

此時眾人都看著我。





「我可以玩嘅，但都唔知搵邊個做Partner。」

Kimberly？不知道她會否跟我玩。

「愷淇呢？」Cindy問。

「想玩呀，不過都唔知搵唔搵到組爸。」她說。

還有三個月才到招募組爸媽的時間，用不著這麼急，而且自己的Society也要舉辦Ocamp。

不知道有沒有時間和體力去玩。