《一零六四》: 第二十章「溫習」

昨天的足球隊選拔有整整一百人出席，而教練又好像沒怎麼留意我，已經不抱有太大期望。

「行得未」

「得啦 地下等」

我回覆Kimberly後便穿上布鞋，準備下去。

到達平台後發現Kimberly還未到。





「自己未到又催人，屌。」

三分鐘後，她終於出現。

「咁耐架你，未到又係咁催我。」

「唔記得拎銀包嘛，冇錢點請你。」

「都算你記得你話會請我。」





Kimberly把我帶到旺角的一間餐廳，看店外的招牌似乎是吃日式烏冬之類的東西。

「食呢個啦。」我指著餐牌說。

「好食？你黎過咩。」Kimberly問我。

我搖搖頭。

「喂你溫書溫成點呀。」Kimberly托著頭說。





「都係咁啦...」我笑了笑道。

「都係咁？定係未溫過呀！」她笑著說。

「呃，未...未溫過。」她真厲害。

「就快考喇喎，你唔驚Fail咩？」

「我呢啲打開天才波，都慣。」我聳聳肩說。

Kimberly若有所思地看著我，之後說。

「一係咁啦，你上黎我Hall。」

「我同你溫書啦。」Kimberly說。





這個邀請非常突然，我完全意想不到。

這個時候，不能表現得太高興。

「哦，可以嘅。」我點點頭。

「下，你唔想呀？咁由佢囉。」

「咪住.....！」我抓住了Kimberly說。

我嘗試裝出一個很高興的樣子，然後就說。

「嘩！有你同我溫書！真係好開心呀！」





「得喇得喇，好鬼樣衰呀你。」Kimberly笑道。

「你聽日幾時得閒就上黎啦。」她接著說。

我放開了Kimberly，然後隨便笑笑。

不知道她的房間是什麼樣子。

「係喎你房冇其他女仔咩。」我突然想起。

「我Roommate去左旅行呀，得我一個。」

這時候，你們猜猜我正在想些甚麼。

呵呵。





這樣就沒人能夠打擾我們清靜的溫習時間！