因為一個葬禮，我再一次見返前度: 第十三話

自從那天起，麗對我態度發生了一百八十度轉變。
她究竟發生什麼事？

「喂，明哥，你知唔知麗搞咩？」

「我點知。」
「你同佢仲熟啲喎。」

我並沒有告訴耀明，
嘉麗她已經沒有再覆我訊息。





不論多麼熟悉的人，一旦不再聯絡。
總有一天，會變回陌生人。

可惡！
我不想變成這樣！

回家之際，我看見了她。
她正在海旁吹風。





我雙腳像不受控制地走了過去，
「喂，你又係到既。」

她嚇了一跳。

「你諗緊咩呀？」

我好想知道她的一切。

「究竟男同女係咪除咗拍拖就無第二個選擇？」





某一年春天，男生身旁調來一位女生。

起初大家並沒有太多的交集，但有一天男生因為借了文具給女孩，漸漸熟稔。慢慢地一起放學，一起溫習、一起看電影，一起用電話聊天至夜深。

原來一切都是我自作多情。

「你講緊既係張政雄？」

「唔係。」

直至有一天，男生在全班面前向女生表白。
女生卻拒絕了。
因為她從來沒想到愛情就是這麼簡單。





「咁我呢？」

我居然會主動問她。

她沉默起來。

「我一直都係到。我會聽你講你嘅煩惱，我會係你失意嘅時候陪你。當你蕩失路嘅時候，我會搵翻你出黎。」

「當初我留班嘅時候，係你第一個同我講野，係你嘅笑容鼓勵我。你就好似天使咁，出現咗係我人生。」

「我知我唔夠張政雄好，但係⋯⋯但係，我可以做一個樹窿，聽你嘅煩惱，我⋯⋯我只係想可以默默咁守護你。」

「唔係咁咖，呀健⋯⋯」

「我知呀！」




我大聲地叫了出來，街外徒人都因為我一下叫聲，注視過來。

「我乜都清楚，乜都知，係你心目中我只係一個普通人，我無同你一齊溫過書，我無同你一齊傾過電話，但係咁又點⋯⋯？」

男生雙眼開始通紅。
「每日⋯每日見到你笑就夠。」

女生這時才恍然大悟。
原來一直以來逃避的是自己。
因為她怕受傷害。
到最後仍然沒有勇氣坦白，
害怕一旦走出舒適圈，最終甚麼都得不到。

「好多謝你呀！」
「我有啲野做要走先啦。」





女生走了，男生呆呆地目送她的背影，
轉聲地說：「加油⋯祝你幸福。」

海風輕拂男生的臉。
「點解會有沙入眼嘅⋯⋯」


此刻女生匆匆回到校園。
「我想參加歌唱比賽呀！」

「呀麗，你真係要參加歌唱比賽？」
「平時你唱k都好少唱歌咖喎～」

「係咪唱比籃球隊隊長聽呢？」





由於那個女生跑回學校。
她一邊喘氣地說：
「只係，有一個人嘅心意，我一定要回應！」


所謂的一見鍾情，就是那刻的你，眼中只有她。