[HEHE][Chris x Jasper]《換個時代在一起》: 《愛叫我放低智商》
Chris
「初戀的優美泡沫都已硬化
更發覺愛心實在廉價
童話裡美麗故事明日至發現太過假
每天一些一些進階亦必需接受
放縱歲月難在你生活逗留
好東西走了而日子不退後
那惡作劇還在記憶內漫遊
若你共我都躲不過詛咒
成年是個必經關口期望會玩夠」
------------------《Mr. Adult》陳柏宇
Jasper
「傻在為你 任情緒墮落未逃避
不管安危浮沉泥沼當作極樂園地
難道世上唯有你 才令地球更美
明知等於寵壞你
沒有保留仍然迷戀你
明白我未贏到你 贏盡別人嘆氣
愛叫我放低智商 誰人又有福未問價先付帳
如果世上沒傻瓜 談戀愛像會談吧
算得太盡還可擁抱嗎 如何估計回報多寡
從來不介意做傻瓜 莫論有可能為瞬間絕美像曇花」
---------------------《如果世上沒傻瓜》方力申
「皓庭啊，你話下你個好兄弟喇！」康妮咬著筷子，瞪著坐在她對面的Chris。
「嗯？」Jasper抬起眼，看著康妮。
「佢啊！又借啲意唔返工，佢仲衰到話你病啊。」康妮依然瞪著Chris。
「啊⋯⋯我今朝係有少少唔舒服。」Jasper輕描淡寫帶過，些些維護著Chris。
「拿！拿！拿！你最信個個皓庭自己講架！佢有少少唔舒服，咁少少唔舒服都係唔舒服嘛，我唔算講大話喇。」Chris立刻搶說。
「Chris，康妮都講得岩既，屋企生意你應該上心啲。」
「係喇⋯⋯鍾Sir，Miss Honey，學生不才，以後定謹遵兩位老師既教悔，會上心架喇。」Chris放下餐具，裝作一臉誠懇。
「成日咩都唔緊唔理，我地點結婚喎⋯⋯」康妮把筷子咬得更緊，聲音稍稍壓低。
「結婚？」結婚⋯⋯Chris看了一眼康妮，又在眼角覷了一眼Jasper，心臟微一抽搐。
「係啊⋯⋯我地既將來啊，有無認真諗過架你？」
年青男女談將來，本來就是理所當然的事，但一股莫大的惆悵感漣漪般自Chris心中擴散至全身，開口的話聲卻是出乎尋常的緊張，「啊⋯⋯哈哈⋯⋯有，梗係有喇。」
「有？唔好講我地，你既將來呢？你屋企人始終都會交晒俾你，你咁樣⋯⋯成日都仲好似玩咁。」康妮皺著眉。
「我⋯⋯」Chris瞥見她的認真神情，更是懊惱。
「我諗⋯⋯Chris佢知架喇。」看到Chris懊惱的神色，Jasper自覺要護著他而淡笑的開口插話，「康妮，你就暫時放佢一馬，唔好再話佢喇。」
Chris立即向Jasper報以感激的笑容，又一手攬過Jasper的肩膀，「bb幫我求情真係好滾動。」
「皓庭你要幫我睇實佢啊，靠你架喇。」康妮鬆開眉頭，又望著Chris，語氣也鬆容起來，「你再唔為自己努力啲呢，我就替天行道落毒毒死你，搵筷子拮死你，反正你都無咩貢獻。」
「好恐怖，你係邊到黎既巫婆？你快啲還返中學又可愛又聽我話個個康妮俾我。」Chris瞬間又換上嬉皮笑臉，嬉鬧著。
「衰人！為你好就話我係巫婆！」康妮用藏在桌底的腿，用力一腳踢向Chris的腳。
「啊！！暴力傾向既巫婆！」Chris裝作慘叫了一聲。
「Chris，康妮都真係為你好，你又唔好咁過份。」Jasper挪開了自己的身體，悄然把自己抽離Chris的懷抱，「其實你真係好應該諗下⋯⋯將來。」
「唉，唐僧做咩輪流上你地身架？」Chris看著自己抓個正空的左手，也靜靜收回手，「嘿，我地講第二個話題喇。」
「啊，我想去澳洲玩。」Chris避過兩人的目光，把視線放在播放著旅遊節目的電視上，漫不經心的說。
「咁今年聖誕就去澳洲。」康妮點頭同意著。
兩人重新交往後，幾乎每次節日只要雙方都休假，也會外遊慶祝。
「聖誕？唔得！」Chris突然說。
「點解啊？我岩岩先幫公司拆掂依單大野，聖誕我要攞假應該無問題。」康妮臉存不解地說。
「聖誕，Jasper都去唔到，佢又要返學校補課，佢班學生又準備緊公開試，佢實寧願留係香港廿四小時Stand by等啲學生問佢書。」Chris想了又想，看著Jasper，「復活節去喇，個時你班學生都去考，唔再需要你架喇？咁你咪可以一齊去囉。」
「下？」Jasper對Chris為他設想，是感到有點受寵若驚，但看到康妮，又不得不把情緒壓下，「啊⋯⋯唔洗理我架，康妮想聖誕去，你地就聖誕去喇。」
「唔好，要去就一齊去。」Chris說。
「係囉，Chris話一齊去，就等埋皓庭你先一齊去喇。」康妮瞭然地點著頭，這種事她還是很遷就著Chris的。
「⋯⋯真係唔洗理我，你地想去就去。」Jasper淡然說。
「你咪咁掃興，你諗下跳緊傘既時候，個邊秋天既風吹埋黎，你明唔明係一個咩概念？」沒等Jasper反應，Chris徑自感嘆，「一個字，爽！」
「係危險，唔安全既概念。」Jasper睨了Chris興奮的表情一眼，「我去到都唔會試。」
「點解喎？好安全架，有晒教練係到傍住。」
「萬一有意外呢？」
「邊有咁易？你唔好成個女人咁驚依樣驚個樣喇。」
「⋯⋯風險太大，如果你死左，你有無諗過我⋯⋯康妮佢點？」
「癡線，邊有咁易死？你咁講，我平時揸車都有風險隨時撞車死架喇，行出街可能都會仆死，我係咪應該坐係到咩都唔好做？」Chris對Jasper的質疑感到不滿。
「我只係唔想你冒啲不必要既風險。」
「咁係你細膽者！」
「Chris⋯⋯皓庭⋯⋯」康妮見兩人的氣氛越演越烈想開聲緩和。
兩個男人鋒利的眼神，一致地落在了她身上，空氣頓時冷凝了下來。康妮只覺得喉頭一緊，呼吸都有些許的困難，「啊⋯⋯」，才從齒間發出微音，又被Chris打斷。
「你兩個今日做乜者，一個就咿咿哦哦唸經咁，一個就驚依樣驚個樣去個旅行都兜頭成盆冷水潑落黎。」Chris深沈不透光的眼底躍出了一點火光，似冷得極地的寒冰，卻埋藏著一觸即發的火焰。
「唉，算喇，我入房做野。」Chris胸脯猛烈起伏著，站起身扭頭拂袖而去，「康妮，你走個時先叫我。」
「雋！」康妮的呼喚已被Chris大力關門的聲音覆蓋。
粗暴的關門聲，讓Jasper微微溼潤的漆黑眼眸卻越見深邃，擾動著一種類似歉疚的沈重鬱色。
再也沒有任何事，比自己令愛人生氣的無力感更加痛苦。
「唉⋯⋯大少又發脾氣。」康妮托著頭向Jasper苦笑，「不過佢嬲一陣就無野架喇，唔洗擔心。」
「我知⋯⋯」Jasper平靜地說。
Chris的脾氣他最熟悉不過，熟悉程度肯定還比Chris的家人和康妮還要熟悉，畢竟他和Chris認識快接近二十年。
二十年，假設兩人都八十歲命，他們已經在對方的生命裡佔有了四分之一。
「係喎⋯⋯你點會唔知，你地識左咁耐，Chris郁下隻手指你都知佢想點架喇，我竟然班門弄斧添。」康妮吐吐舌，有點尷尬地說。