廢鳩俠2: 30.永遠的黃金組合

「咩話？阿彩你要走！！」凪咲大喊




「走乜鳩呀...返去屋企度住姐..」

阿彩已經在執拾自己在地下室的物品:「依家除左恐怖襲擊之外，都無乜打劫果啲案架啦，咁我返去都無乜問題啦」







阿七笑道

「都啱既，溝到仔就緊係唔好同第二個男人住啦...」



阿七竟知道自己和Ricky的事，使阿彩大驚

「邊..邊個同你講我同Ricky...」








「小櫻囉！佢同我講，阿彩你同阿Ricky拍拖，應該好快就會搬」



「呢個小櫻丫...咁樣爆我大獲都有既...」





當然，阿彩亦不是真的生氣




「臭西彩你要好好珍惜個Ricky呀，難得有人欣賞你！」

「你先係呀柒頭，辛辛苦苦溝到個西女人，唔好又對人唔住」

雖然一如以往鬥氣，但這種也是關心的一個方法



「阿彩，件rainbowsuit整返好啦，比返你丫！」





阿彩從凪咲手上取過戰衣


「嗯，唔該喎架妹，以後有咩裝備都靠你啦..」

「嘻嘻，包響我身上啦！」



取過行李，阿彩走到大門前



「咁我返去先啦，你地保重！」





阿彩灑脫地向兩人道別



「阿彩...」

阿七舉起自己的右手


「做乜鳩呀....唔係咁老土下話」

阿彩仿佛猜到阿七的舉動，同樣舉起手







「啪！！！」

兩人互相擊掌



「一路順風啦，拍擋」


「嘿，你都係啦」










廢鳩俠2 完