廢鳩俠2: 28.溶化

兩星期後




「阿彩姐姐，上次既傷好返未呀？」

「緊係好返啦，比子彈擦傷呢啲野抖一日都得啦！」

就如平日一樣，阿彩約了小櫻兩人在港大飯堂共進午餐







「拓也，上次件事...仲有冇手尾要跟呀？」阿彩再問



拓也喝下一口檸水，答

「韋德既屍體已經解剖好，剩底既就只有分析佢體內殘留既金屬古菌」





「而發叔已經查緊，到底係邊個迪拉斯既成員提供軍備比韋德」

「不過..因為今次既事，香港政府已經考慮緊要IID撤出香港」



「咁...第時有恐怖襲擊咪仲大獲？on9架？」






「我都唔知，但聽發叔既口吻，似乎佢已經一早預左，所以唔洗咁擔心既..」拓也苦笑道



阿彩邊食邊道

「嗯，咁都放心啲...不過就算有咩事，我同柒頭都會出黎救香港架啦」




「係呢阿彩姐姐，Ricky仲有冇搵你呀？」







一談起Ricky，阿彩支吾以對

「咪..咪...前幾日有打過比我囉...」




三日前


「鈴鈴鈴...」



「喂...Ricky？」






「...嗯...」

電話另一方的Ricky似乎非常緊張:「阿彩...你..無..無野丫嘛？」


「無...無野呀，咪生勾勾..」
其實，阿彩也不知要如何面對知道自己秘密的Ricky


「咁就好啦.....阿彩我....我....」


「你..想講咩呀？」







「...都係無野啦，我...唔阻你休息啦，早抖..」


「哦，早抖...」






「Ricky肯定鐘意你啦！！」





小櫻睇到阿彩轉述對話內容後，一口斷定Ricky也對阿彩有意思



「咩...咩呀....佢喎...」


「無錯呀，如果佢真係好似你講到咁，口質質到有語言障礙既話...佢肯定係鐘意你啦，只不過佢都係未夠勇氣同你表白姐」



阿彩搖搖手

「痴線啦..邊有男仔會鐘意個勁過自己既女仔架！」


但同時，阿彩回想起當日在大橋上，臨走前Ricky講的說話

「咁係因為...因為我鐘...............」



「唉...我都唔知...」阿彩心猿意馬，不知應該如何是好



小櫻笑咪咪道

「不過..我估Ricky最後都會鼓起勇氣講既...」



「唉到時先算啦，係呢...」

阿彩襯機轉換話題:「你覺得...個柒頭...點呀？」




「阿哥？」

小櫻聽到阿彩提起阿七，嘟起小嘴:「我覺得...阿哥佢好左好多，唔單止無咁咸濕，連成個人都好似勇敢左」


拓也亦同意，點點頭

「無錯，佢同我第一次見果陣真係變左好多，依家既佢好值得信賴...阿彩你咁問得，其實你都係咁諗架，係咪？」



「...嗯」

雖然不太情願，但阿彩也不得不承認

「佢好似...真係似返個男人咁囉，可能真係個西女人令到佢改變...」



因為愛情，阿七亦脫變為一個更好的男人







「我同拓也返去先啦，遲啲再見啦阿彩姐姐！」

「哦，拜拜！」


和兩人道別後，阿彩走到學校的圖書館



「仆街，科垃圾ge科係都要人睇書做功課，係咪on9架！」

阿彩一邊怒罵，一邊於圖書館尋找舊書



「砰！」

走到書櫃的轉角時，阿彩和另一高大的身影相撞



強壯的阿彩當然無事，但另一人卻被撞跌



「喂無野丫嘛..........Ricky.....」

該個身影，正是Ricky


「阿...阿彩」



「係你呀.....Sorry喎撞到你...」

阿彩拉起Ricky:「你又會響度既...」


臉上貼上多塊紗布的Ricky摸住頭道

「我..我黎搵書姐...」


「哦...」

阿彩尷尬地點一點頭

「你..塊面無野丫啦..」


摸住紗布的Ricky笑道

「無事，好少事丫！」



「果陣..多謝你喎...」

雖然有點多餘，但阿彩卻對幫自己擋拳的Ricky道謝


「..邊..邊係呢...」

Ricky苦笑:「阿彩你咁犀利..就算無我擋都得啦...」



「嗯...咁..咁遲下夾band再見啦...」



「屌...一見到Ricky就講野講到咁，搞乜呀！」

阿彩正想急步逃離之際



「嗒！」

Ricky一手捉緊阿彩的手


「Ric..做..做咩呀？」




「阿彩...有啲野..我好想同你講...」

Ricky吸一口氣，鼓起最大勇氣






「阿彩，我鐘意你！！」





Ricky一句，引起館內眾人的眼光


「.....你...」阿彩一時無言以對





「其實由第一次見到你....我就覺得你好吸引架啦...」

「我知...我只係個剩係識玩結他既廢柴..又廢，又保護唔到人...」

「但係...我..我會為左阿彩你改架！我會去跑步！我會去做尖！我會...」



「喂細聲啲啦！」

阿彩慌忙掩住Ricky的嘴:「不過...你又唔係真係咁廢既...」

「起碼你夠好人夠溫柔...而且...明知自己廢都幫我擋拳...」


「阿彩....」



阿彩想起小櫻的話

「咁講法即係對佢都有好感啦！」

「阿彩姐姐，你係咪每次見到佢都會有種好特別既感覺先，即係...好想為左佢而特登扮靚啲咁...」




「或者..我真係鐘意....佢.....」





「咁..其實....」

來到此刻，阿彩也緊張起來


「即係....」Ricky恨不得快點知道答案




阿彩無回答，只點一點頭



「即係...應承我！？」



「係...係呀，咁撚大聲慌死人唔知咩」

阿彩不敢直視Ricky:「唔好比我知道你一腳踏兩腳呀，打撚死你架」



「緊..緊係唔會啦！我...我一定會對阿彩你好好架！」

Ricky捉起阿彩的手:「呢隻手..我唔會再放開架啦！」



「哼...係至好講..」


阿彩怒視住Ricky:「快啲陪我搵書啦，趕住交report呀！」



「嗯！」