廢鳩俠2: 26.最後王牌

「呢個係...」


「呢個係阿七叫我幫阿彩你準備既裝備黎架！」

阿彩的通訊器傳來凪咲的聲音


「裝備？乜撚黎架？」







「哼，你派幾多部機械人都無用！！」

韋德伸出黑色觸手，欲破壞掉噴射器


「咔！」

一堆黑色薄物，從噴射器中飛向，避過觸手攻擊







而薄物的目的地，是...


「喂屌！佢飛緊過黎喎！喂！！！！」

阿彩見薄物正衝向自己，大叫







「唔駛驚呀阿彩，呢一個...係你新既戰衣，rainbowsuit！」



薄物撞向阿彩後，馬上散開，包圍住阿彩的肉身

「做乜撚呀喂」


「佢唔單止會自動偵測阿彩你既位置，仲有自動穿衣功能架」

一秒，阿彩的身上已經穿上一件黑色的緊身衣






「呢套...就係我新既戰衣....」



「雖然好似好薄咁，但係佢可以令你既速度提升四倍，又防彈，又足夠承受150km per ho...」



阿彩打斷凪咲的解說

「得啦得啦，返去再講啦...依家要做既..係救左柒頭先！！」







「哼，就算你有裝甲都無用，都係要比我隊冚！！！」

韋德揮拳，欲一擊將阿彩打成肉醬



「架妹，件衫唔掂既話返去就打死你！」

以阿彩的性格，這情況當然是以拳駁拳




「轟轟！！！！」






兩個拳頭的撞擊力，將四周的汽車轟開！



「呀！」

小櫻幸得拓也及時接住，未有飛出青馬大橋

「加...加油呀阿彩姐姐！」




「咩...咩話...」





拳頭博奕，輸的....


是拳頭大數倍的韋德

被阿彩打退數步的他，不敢相信自己的氣力會被個女人贏過




「架妹，早啲比我丫嘛！頭先我差啲中埋槍呀！」

「嘻嘻，咁啱啱先整好嘛！」



「不過...件野係幾勁既！」

阿彩乘機追擊，跳到韋德的背後

「小櫻！你地救柒頭先！」



速度提升不少的阿彩，襯住韋德未能轉身之際

「慢撚到隻豬咁，死撚左佢啦！」



「噢啦噢啦噢啦噢啦噢啦噢啦噢啦噢啦噢啦噢啦噢啦噢啦噢啦噢啦噢啦噢啦噢啦噢啦」


阿彩一口氣將韋德打到退後二十米外



「呢個八婆..一定要隊冚你..咪住...！」

韋德同時留意到，自己身上的金屬古菌，再生速度竟然變慢




阿七於小櫻和拓也的扶持下站起

「因為..呢套rainbowsuit的拳頭有溫度調節器，可以上到一千度的高溫，仲有電擊裝置」


「柒頭，今次套戰衣幾撚掂喎」

「不嬲都掂架啦，係你唔識欣賞姐」



四人平排站在青馬大橋，與韋德對峙



「佢身上既金屬古菌好難搞，要用高溫同電先可以傷到佢」

阿七分析:「佢既肉身響黑色纖維物既上身度，我手上仲有一發穿甲導彈，一陣響阿彩打到咁上下就用佢黎打穿缺口」


拓也就拾起三號機身上的長刀

「而我..就利用果個缺口作最後一擊」


「咁就話啦」

阿七將小櫻推後:「小櫻，今次你就睇下戲啦」



「阿哥...拓也...阿彩姐姐...加油呀！」