廢鳩俠2: 16.第一次心動

「....唔得既咩？心..心情好咪著下囉」

阿彩支吾以對:「我..我返去上先呀！」


「平時成個男人婆咁，又會無啦啦著裙都有既」阿七摸頭困惑


「唔通..阿彩姐姐都...」







「咯咯」

小櫻獨自走到阿彩房間前

「阿彩姐姐，係我呀」







「哦...入黎啦」


小櫻進入阿彩的房間後，坐到沙發上

「阿彩姐姐...」



「咩事呀？」








「你拍拖呀？」





一聽到「拍拖」，阿彩的神經馬上被觸動


「拍...痴線！痴線啦！邊有呀...」







阿彩望住正奸笑的小櫻，似乎依家對自己半信半疑


「信...信我啦小櫻，真係唔係拍拖呀！」



「咁點解今日要著裙先？」小櫻繼續追問



「今...今日我隊band要出show嘛，咪著好少少囉......」






小櫻跳上阿彩的床上

「唔通，隊band入面有阿彩姐姐你鐘意既人呀？！」



「邊...邊有呀！喂！」


兩女抱成一團，在床上打轉


「嘻嘻咁即係有啦，講黎聽下丫！」






小櫻不停將手伸住阿彩腋下

「哈哈好痕呀！！喂呀，都話左無咯！！」


「快啲講啦，我想知呀」小櫻興奮叫道



「隊band有條友...係幾過癮既」


「過癮....咩人黎架？」







兩人坐正身子

「條友叫Ricky，係隊band既結他手黎，佢同我地一樣都係好鐘意UVERworld，份人又拾下拾下咁，所以我先話過癮姐」



「有次同你食飯之後撞到佢，傾左陣，見依家又冇乜罪犯要捉咪同佢夾下band囉」

阿彩將此事講得非常平常


「咁...有冇相呀？好想知令阿彩姐姐心動既男仔係咩樣呀」小櫻不斷搖動阿彩的身子


阿彩不斷否認

「咩心動呀，邊有呀...不過有相既...」


阿彩拎出手機，打開今日於演出完結後所攝的照片，並指住口中所講的Ricky


「嗱，呢個咪Ricky囉」


高挑的身型，配上中上又帶點遲鈍的樣貌，一看就知是個草食男了

「哦...原來阿彩姐姐你鐘意呢type草食男既！」


「都話左冇鐘意咯！不過...」

阿彩冷靜下來：「佢係幾好人既，雖然蠢蠢地柒下柒下咁....」


「咁講法即係對佢都有好感啦！」

小櫻一知道阿彩似乎有鐘意的人，心情不自覺地興奮

「阿彩姐姐，你係咪每次見到佢都會有種好特別既感覺先，即係...好想為左佢而特登扮靚啲咁...」


「....」這個問題，阿彩一時不能回答

大概自己都沒有一個明確的答案



「唔通...我真係對呢個人有好感...？」




中信大廈上


「砰！！！」

韋德生氣地將控制器摔到地上


「仆街...竟然破壞我既計劃！」

韋德握緊拳頭，怒火足以升高周遭的溫度





「好唔服氣呀？」

一把輕恌的聲音從韋德身後傳來



韋德回頭一望

「...係你呀..」



「那個人」留黑長曲髮，身被黑袍



「果一部機械人雖然唔係隸於IID，但佢既使用者都係同IID有莫大關係」

此人慢慢步向韋德:「果部蜘蛛機械人只係我地迪拉斯兩年前既實驗產品，所以今次失敗係好正常」


韋德聽到後無名火起

「你既意思係....今次係特登比部次貨我？！」


「唔好咁講，今次咪當係比你測試下你要面對既敵人有幾強囉，而且」

此人與韋德擦肩而過，並將手中的保險箱放到韋德腳邊


「有呢樣野，再加上我地迪拉斯借兵比你，下一次一定可以解決果部機械人」


「『呢樣野』...係」


韋德再回頭時，那個人已經消失得無影無蹤




韋德緩緩打開保險箱

藏在裏面的，是十支裝有黑色液體的針筒





而那個人，早已離開中信大樓，在中環街道上大步行走

「哈，多謝你又幫我地試新武器啦，韋德先生」