[酒店甜故] 酒店高層淫事: 第三十七章

雄哥收咗線之後, 跟住見佢再無講過任何嘢, 而我哋仲響度唔知點算好之際, 等咗一陣, 房門突然有人敲響住起嚟, 雄哥叫我哋打開度門, 小燕正想伸手開門嘅時候, 但我就阻止住小燕死都唔肯比佢去開。
 
我好急咁話 : 「喂妳仲嫌累我唔夠呀? 而家妳仲想害死我咩, 一陣出便有人揸槍入嚟見我就會亂槍掃射架, 我今年先得果廿六歲, 我仲有大把青春, 我唔想咁快就死住呀。」
 
門外出面有把女聲響度嗌住, 「嗲啲, 係我呀。」
 
我哋聽倒出便係把女仔聲, 跟住玲玲就伸手將度門打開, 一個仙氣十足嘅女仔正徐徐咁行咗入嚟, 「嗲啲, 喂 Raymond 咩真係你嚟呀。」
 
我見係 Sally 行咗入嚟, 但就見佢嗌住呢個雄哥做嗲啲, 吓, 咩原來呢個大佬款嘅雄哥就係 Sally個老豆嚟架。
 



 
Sally 行埋去雄哥身邊度講 : 「出面而家好亂呀, 我聽倒班人話係搵緊一個叫 Raymond 嘅香港仔呀, 但我就唔知係唔係講佢, 不過估唔到原來真係佢嚟架, 係呢嗲啲, Raymond 係我舊同事嚟架, 而且頭先我哋仲約咗今晚會一齊食飯添架。」
 
雄哥好溫柔咁笑住同Sally 講 : 「但妳睇佢而家都不愁寂寞, 而且睇嚟佢仲會有排忙咁添, 所以我睇佢今日都係無時間同妳去食飯架嘞。」
 
Sally 搖住雄哥隻手臂嚟話 : 「呢嗲啊, 你幫吓佢啦, 我同佢都算幾 friend 架, 嚟啦嗲啲, 你幫吓人哋啦。」
 
雄哥正笑笑口咁同Sally 講 : 「做咩呀乖女, 妳係咪鍾意咗人哋呀?」
 


Sally 聽倒咁, 即時面都紅哂咋住嬌咁話 : 「邊係啫, 你咪亂講啦, 我只不過……係想幫吓個朋友咁解之嗎。」
 
雄哥比Sally 搞到笑不攏咀, 但突然, 一對厲眼正轉過嚟望住我, 見雄哥緩緩起身行埋嚟我面前度講 : 「。靚仔你好嘢, 今次如果唔係我個女叫到, 我都唔會得閒理你啲任何事。」