[酒店甜故] 酒店高層淫事: 第三十五章

走廊啲人好似又逐漸遠去, 跟住我同小燕又再向 Anna 解釋到底發生咗啲咩嘢事, 而 Anna又係好擔心我咁, 「Raymond, 咁而家你點算呀至好呀?」
 
小燕搶住幫我答 : 「而家酒店四圍都有人搵緊佢, 但 Raymond 始終都要離開呢度, 而且仲要愈快愈好添架。」 四個人都已經無言以對。
 
但見玲玲走去窗口度望吓, 跟住佢就叫我埋去同我講 : 「你望吓, 如果你可以落倒泳池下面, 跟住你就可以沿住側邊果條路行前啲去果間屋仔度, 屋仔隔離個山坡係有條路可以行落去大街度搭車架。」
 
Anna 走埋嚟拉住我手再話 : 「Raymond, 我好驚呀, 估唔倒你同個故事一樣都係比人追緊, 但……我今朝已經將個故事寫完, 個結局係立德最後比警察捉到, 但立德就因為唔想坐一世監, 所以佢響極力反抗之下就比警察亂槍掃射殺死咗, Raymond, 我唔想你都會變成咁呀…嗚….嗚….嗚….」
 
我啋過妳大吉利是, 閘住閘住, 我諗都唔諗就同 Anna 講 : 「改結局啦, 立德最後梗係可以成功逃脫, 跟住之後仲比佢發埋達, 然後佢就有屋有田有地仲有大把女陪佢直到終老呀。」
 


小燕又走埋嚟同我講 : 「喂唔好講咁多住先, 出便已經無哂聲嘞, 不如而家就快啲走先咯。」
 
Anna 正捉住我手咁話 : 「Raymond, 比我陪你一齊行出酒店, 我要確定你真係走倒之後我先會將個結局改寫。」
 
就係咁, 跟住我哋四個人又再小心奕奕開門視察, 走廊無人, 攞住匙卡嘅玲玲首先帶頭, 而我哋三個就跟住佢尾咁又再慢慢地向前行住。
 
前面防煙門出面又再發出聲響, 「喂呢層搵過未呀?」 「唔知佢哋有無搵過喎。」 「咁我哋入去搵埋先啦。」
 
情況危急, 玲玲於是又用匙卡開咗身邊度房門, 而我哋又再衝哂入去再關埋度門, 但呢次我哋四個就靜哂響間房度
 


………………