[酒店甜故] 酒店高層淫事: 第三十章

今晚, 我真係瞓得好林同好舒服, 直到天光之時, 我比陽光照醒咗我之後, 我朦住雙眼見到呀姍已着番哂所有衣裙, 正靜靜坐響窗邊張梳化上凝望住我。
 
呀姍輕叫喚住我, 「你醒嗱。」
 
我緩緩坐咗起身, 望吓隻錶, 原來都已經就嚟八點, 我起身行去梳洗一番同着番衫褲之後, 跟住我再出番嚟就同呀姍講 : 「妳肚唔肚餓呀, 不如同妳一齊落去食早餐先吖。」
 

 
呀姍笑住搖一搖頭就話 : 「唔嘞, 我都夠鐘要走架嘞, 係呢 Raymond 哥, 我想問, 如果酒店請咗我之後, 我以後係唔係會再有機會可以服待你架?」
 


我唔吓個咀, 唉, 我都好很想呀, 不過其實我只係嚟呢度扮高層做嘢, 而且我仲打算今晚就要走添架, 我有啲無奈咁同呀姍講 : 「無嘞, 我今晚就會番去香港架嘞, 而且我睇以後我哋都無咩機會可以再見倒面添架。」
 
呀姍聽倒之後正一面失望咁, 見佢靜咗一靜之後就話 : 「咁好啦, 不過….響我一陣臨走之前, 你可唔可以加我個微訊呀, 又或者…..我同你不如做個朋友咁好唔好呀?」
 
我點咗一吓頭, 跟住我攞手機加咗呀姍個微訊之後, 呀姍已經夠鐘要走, 但響佢臨走之前, 呀姍突然上前輕輕咁嚟錫住我, 錫完之後, 呀姍跟住殊住我要我唔好再出聲講嘢
 
「我走嘞, 記住得閒就發個微訊比我呀。」 講完呀姍就緩緩行出房外離我而去。
 




一個甜蜜嘅午夜回憶, 令我坐響房內呆呆咁望住窗外, 坐咗一陣之後, 姑姑姑, 個肚又有啲肚餓添, 都係起身落去下面食咗早餐至算嘞。
 
落到樓下酒店餐廳食咗早餐之後, 我無無聊聊響酒店度四圍咁逛住, 但個腦就一路係咁諗住同呀姍成晚開心住嘅畫面, 但突然, 有個女仔跳到我面前就嗌住, 「喂 Raymond。」
 
我望真啲, 「咦, Sally 咩係妳嚟呀。」