[酒店甜故] 酒店高層淫事: 第二十六章

眾人已經同緊隔離條女正有講有笑飲住酒, 而坐響我隔離條女, 亦正溫柔地咁撓住我隻手臂嚟話 : 「係呢先生, 做咩你咁靜嘅? 我叫做呀芷, 唔知先生你又點稱呼咁呢?」
 
我望吓身邊呢個靚女, 跟住我就同佢講 : 「叫我 Raymond 得嘞, 係呢, 妳哋幾個一齊係識架?」 呀芷搖住頭咁話 : 「唔識架, 不過我哋都係上嚟睇吓呢度會唔會請我哋做嘢之嗎。」 我再問住呀芷 : 「咁妳知唔知呢份工係要做啲咩架?」
 
呀芷雙眼有啲無奈咁點一點頭, 但跟住就同我講 : 「無辦法啦, 屋企有人急需要錢睇醫生, 而且我住果便啱啱又打完風, 間屋門口爛咗又要使錢去修理, 但我朋友就話我知呢度會招工, 所以咪就搭車過嚟睇吓搵唔搵倒嘢做咁囉。」
 
黃生突然響度嗌住 : 「嚟, 啲女仔而家起身坐去第二個位度, (指住呀鄧隔離個女仔) 妳就過嚟呢便坐響我隔離度啦。」
 
班女起身又再兜亂嚟坐, 但今次坐響我隔離果個靚女又有着另一番唔同嘅美態。
 



 
個女仔好嬌柔咁同我講 : 「我叫做呀姍, 先生你點稱呼呀?」 我同佢講 : 「嗌我 Raymond 得嘞。」 個呀姍遞住杯酒比我問我飲唔飲, 我搖住頭話唔使, 跟住呀姍就放番杯酒響枱上。
 
見其他人已經係咁又錫又摷住身邊嘅女, 而呀姍就同我講 : 「你點解好似同佢哋有啲唔同咁嘅?」 我微笑住同佢講 : 「唔係呀, 不過今晚仲未曾食飯, 所以而家覺得有啲肚餓咁啫。」
 
個呀姍雙眼正柔情似水咁望住我講 : 「如果一陣係同你響埋一齊嘅話, 咁不如我陪你出去食啲嘢先啦。」 呵….., 呀姍呢番說話簡直就將我熔化住起嚟。
 
突然, 黃生又再大聲嗌住 : 「點呀? 你哋仲有邊個需要換女架? 但如果無嘅今晚就咁決定咯, 房間匙卡就放咗響枱度, 你哋就自己行去攞匙卡入房度玩得開心啲啦。」