[酒店甜故] 酒店高層淫事: 第一章

朝早公司內, 老細陳生突然召我入房度傾嘢, 房內, 老細正皺住眉頭神色凝重咁講 : 「Raymond, 你老細個老細響大陸果間酒店, 最近各方面嘅開支突然以倍計增長, 而家我老細懷疑有人出古惑, 所以我想搵你上去酒店度幫手攞啲賬簿嚟睇有啲咩事。」
 
吓, 要我上去做查數咁大單嘢, 我同老細講 : 「但我驚我呢啲小職員上到去, 酒店果便未必會肯配合我, 咁我到時咪就只得個上字, 而且我又唔知上去應該要 check 啲咩先啱?」
 
老細再講 : 「呢點你可以放心, 其實到時上去你唔使做查數嘅嘢, 你只係會以香港公司嘅財務總監身份嚟同佢哋攞啲賬簿, 而到時果便會計部有個女仔就會負責去睇啲數, 就係因為個女仔職位低微, 而會計部好多文件佢又都無權查問, 所以今次就係要咁樣嚟攞賬簿比佢睇咁解囉。」
 
哦, 原來只係上去扮高層, 我同老細講 : 「咁我幾時要出發呀?」 老細諗都唔諗就答我 : 「而家即刻就要出發嘞。」
 


就係咁, 我好快番屋企簡單執咗啲衫, 跟住就立即出門去北上, 搭車去到深圳再轉公交之後, 再坐多一個鐘頭車倒左右, 我終於都到咗位於東莞聽聞已久但就第一次見大老細果間五星級酒店。
 
間酒店比我想像中大同靚, 我行入酒店之內, 跟住就去柜枱問人話要搵酒店會計部嘅何小燕小姐, 個女仔打咗個電話之後, 跟住就叫我響度等一陣, 兩個字後, 身後突然響起有把女仔聲嗌住我 : 「Raymond。」
 
我轉頭一望…………..
 

 
一個笑容滿面, 長髮而有小小靚嘅女仔, 正眼仔碌碌咁嚟望住我, 我好快就將佢全身由頭 scan 到落腳, OK 喎, 對腳夠長身材又算叫做唔錯咁。
 


個女仔伸咗隻手出嚟講 : 「我叫何小燕, 係酒店會計部嘅職員嚟嘅。」
 
 
我握番住佢手嚟講 : 「妳好何小姐, 我係香港公司派嚟幫妳……」
 
何小燕好熱情拍住我手臂截住我講 : 「你叫我做小燕啦, 呢度人人都係咁叫我嘅, 係呢 Raymond, 一陣為免比人騷擾我哋工作, 所以我響上便已經安排咗一間房嚟做我哋嘅臨時辦工室, 但而家我先要帶你上去會計部度做介紹先, 跟住你就揸住呢張紙同佢哋講, 要佢哋交哂紙上面啲 file 嚟比我哋去 check 就得架嘞。」
 
唔, 知道, 同小燕搭 lift上到樓上會計部之後, 小燕首先將我介紹比會計部所有高中低層職員嚟認識, 而我就挺起胸膛再高層上身咁同佢哋會計部個呀 head 黃生講, 話要攞哂紙上所有本年度嘅 file 送去小燕指定果間房度比我做嘢就得。
 
由於佢哋話需要時間準備, 所以小燕就先帶我落去酒店一樓果間餐廳度食飯, 餐廳內, 我同呢個小美人兒, 正響燈光昏暗兼咁氣氛浪漫嘅環境之下, 一齊面對面咁共進住午餐, 我問小燕 : 「係呢, 一陣啲賬簿…..」


 
小燕示意我唔好響餐廳之內講賬簿嘅問題, 因為恐防會隔牆有耳, 所以跟住我就問佢第二啲嘢, 「係呢小燕, 妳今年幾大呀?」 小燕笑得好甜咁話 : 「我二十一歲嘞, 咁 Raymond 你呢?」 我答佢今年我都已經二十六歲咯。
 
原來小燕係四川人, 幾年前高中畢業之後第一份工就係嚟酒店呢度做會計, 而響之前佢就曾經同過幾個男仔拍過拖, 但字裡行間, 其實佢係想搵個香港人嚟做佢男朋友, 講多一陣, 小燕個電話就響起, 原來所有賬簿都已經送哂上去臨時辦工室之內。
 
同小燕再搭 lift 上到十樓, 行到入我哋嘅臨時辦公室之後, 小燕跟住就已經火速埋去睇啲賬簿嘞, 而我就靜靜坐響佢隔離位度, 望住佢做嘢個專心樣, 唔算好大嘅胸前正在不斷起伏住, 枱下短裙嘅一雙肉腿又確實係幾養眼嘅。
 
我無嘢幫倒佢手, 而且就咁齋望住佢其實又真係覺得幾無聊, 所以我唯有攞部手機出嚟玩住打波波遊戲先。