喪・格

   悠悠既海風，溫暖既太陽，本來應該係一個寫意既下午，但係我既身邊就只有一把散彈槍同埋身後既幾具喪屍屍體。我叫阿格，係五日之前，我仲係一個普通既香港中學生，但宜家，我係一個生存者。


 「喂，阿格，起身啦，夠鐘返學啦！」嗌我起身既係我家姐，佢大我兩年，宜家已經升左大學。如果要我用兩個字去形容佢既話，我會用「女神」呢兩個字。唔好誤會，我唔係對佢有咩幻想，而係我經常比佢利用黎應付佢d狂風浪蝶，簡單d黎講即係收兵啦。好啦言歸正傳啦，之後我照常梳洗，食早餐，然後搭車返學，似乎同平日冇乜分別，地球都係照常圍住太陽轉，天氣都係大致晴朗同熱到hihi。

  返到學校之後，我都係keep住同我班兄弟吹水，上堂又淨係掛住討論琴晚隻喪屍game果關究竟點過，突然，英文老師怒啤住我地叫我地讀上一段課文，然而我地根本就唔知佢講緊邊到，結果答唔出仲要比佢鬧一餐，罰抄曬成段課文。我果陣心諗，鬼唔望喪屍病毒爆發然後第一個收你條pk皮，點知，今次我真係願望成真。

  食緊lunch果陣，我個好兄弟阿Jack突然間同我講

「喂，你聞唔聞到陣怪味?」





 「咩怪味？」

  說時遲 那時快，班房入面既人一個個咁訓低左，剩低我一個，我望住佢地都未反應得過黎，我就比人一拳打落後腦暈低左。

  唔知過左幾耐之後，我醒左，然後發現自己係一個完全唔認識既地方，係一間好殘舊既房入面

  牆上面寫住：「Welcome to the zombie world」