師生禁地: 第九章 : 安全感

阿光帶左我去食拉麵，點餐無耐，店員同時為我地奉上左兩碗。唔洗我開聲，阿光係食之前夾左自己碗果隻蛋比我，半生熟既蛋好正，我由細開始已經好鍾意食。「阿志今朝wts我話病左，佢又痾又嘔咁，本身諗住過去睇下佢，但你咁啱打比我話黎，所以冇去。」「哦，同你一齊打波好fd果個吖嘛，叫佢個女朋友去咪得，咁佢宜家點？」「覆左話冇野啦，話阿搖發佢脾氣未嬲完，就因為一個名牌袋。」「真係好小學雞，所以讀同一班我就最憎佢，拜金自以為高質。」「最乖係阿婷你啦。」阿光伸手搣我塊面。「緊係啦！」-
-
我同阿光邊傾邊食，之後行左一陣街，但係自己就有少少心不在焉，我冇好似之前咁叫阿光揸機影相，冇拖實阿光隻手，甚至阿光不斷講爛gag引我笑，我都冇咩太大既反應。我地沉默左一陣。「睇你個樣好攰啦，不如我送你返屋企先。」佢攬住我。「我地未試過一齊沖涼。」我抬頭望住阿光。「咁夜返，你比屋企人鬧咁點。」「我唔理。」我再一次上阿光屋企。-
-
浴缸裡面既熱水滿溢，廁所彌漫住水蒸氣，好似仙境。我坐係阿光後面，幫佢按摩膊頭，兩個胸壓住佢背脊，隱約見到水裡面，佢條j慢慢變長同變粗。「到我幫返你按摩膊頭啦。」 阿光同我交換位置，但佢冇按摩我膊頭，只係攬住左我條腰，同我面貼面唔出聲。「阿光？」「你係咪發生左啲咩事……」阿光把聲沉左「如果你有事但唔同我講，我會好擔心，好心痛，你知唔知…」阿光好似想喊，聲線有啲抖震，攬到我好實。「冇野呀，唔好咁啦，只係自己狀態差壓大姐。」「琴日放學你話唔舒服走先，今朝又咁精神，但行街又唔專心，咁飄忽，直覺話我知你有心事。」「……」我盡力去轉移話題，唱下歌。「同你一齊好有安全感，我個心永遠都係屬於你架。」我同阿光十指緊扣，再將佢另一隻手放係我心臟位置。-
-
水蒸氣散盡，我地用大毛巾抹乾濕透既全身，我著返今朝黎既衫褲，坐左係度玩手機，阿光就企係我後面幫我吹頭。送我返到屋企樓下，嘴脣貼近，「聽日我屋企人返黎，我地去圖書館溫書啦。」「嗯，聽日見。」我笑得奇怪，同阿光對望，直至升降機門關上-
-