師生禁地: 第五章：指名道姓

「唔…嗯…」「嗯呀…唔…好呀…」有個人好粗魯咁摸我…「嘻嘻，…係……你………」你係邊個…講咩…聽唔到…又睇唔清楚個樣…「啊…唔…啊啊…」手腳郁唔到既…點解…掙扎左好耐都走唔到…感覺比人強上緊…「唔…啊……啊啊～」「啊！！」最後我大叫左一聲。-
-
「原來係發夢。」身體抽搐左一下，驚醒左，全身都出晒汗，睇一睇床頭個鐘原來六點未夠，點解會發呢啲咁恐怖既夢架…唉，我肯定唔係考試壓力，真係頭痛，諗極都諗唔到呢種不安情緒係咩事。我打開衣櫃，執出一件新既底衫褲。去沖個涼，一黎keep住全日乾爽，二黎舒緩返莫名的壓力，希望擺脫到呢種不安感啦。-
-
食埋個早餐就準備著校服出門，去車站同阿光會合一齊返學，佢總係會比我遲少少先到，有時等耐左就黎遲到，我就打比佢，可能唔知醒。「婷婷早晨」「阿光早」朝早返學沿途有老師，所以我地唔會拖手行。阿光有追問我做咩事，但我都唔清楚。「你一向測驗前都係咁，今次都係，唔好比壓力自己，搏盡就無悔啦。」阿光陪我去到班房門口，摸下我個頭，轉身返自己班。-
-
係咪好似阿光所講，當有咩測驗考試我都會咁呢？我呆坐喺自己位，不斷諗緊同一樣野，越諗越壞，越會鑽牛角尖，諗去一啲極端負面既野，例如交通意外，唉，好煩好煩，我忍唔住雙手抱住個頭，扒左喺枱面。"Michelle don't sleep in class !" "Oh…Mr.Lee I'm sorry."阿sir大喝我一聲，班上全部同學即刻望向我，真係好尷尬。-
-
午膳時間又到，我望阿光打波，又望下盒自備既飯，食既速度比平時慢好多。「做咩黎呀，阿婷你今日失魂落魄咁既？」阿晴捉住我隻手「係咪阿光蝦你，等我地幫你出氣！」阿敏握緊拳頭。「冇事，擔心黎緊測驗掛，同埋琴晚發惡夢……」我話。「總之有咩事即管開聲，有我地姊妹係度架。快啲食飯先。」阿晴坐到我隔離，我比佢兩個夾住坐。-
-


我同自己講，有阿光、阿晴、阿敏三個至親，無論個天跌落黎我都唔怕！突然有個同學走過黎，係四眼仔阿風。「阿婷，霍sir叫你宜家即刻上去搵佢。」吓？呢個時候午膳都未完…咩事，晴同敏都充滿疑惑。佢地繼續食飯，我就自己一個行上去教員室。-
-