[95%真人真事]我的中學生涯（甜）: 夾band日常3×新春夜

評卷週過後的週六，我們「Miracle」再度於公眾場合跟大家見面了，這次竟然上電視！我再以沙啞哭腔，打動了不少觀眾，致他們流淚；阿鏗亦“唔執輸”，發揮他最擅長的單線solo部分，令觀眾們大呼！（其實單線solo要彈得好是很難的）最後，不負眾望，奪得人氣獎第一名！

以下為賽後檢討時間......

「鏗，其實你可唔可以斯文D架？」我表示不滿。

「咩啊？」鏗問號

「佢話你solo時，chok上chok落，太粗魯啊～」





「冇錯啦！」強果然明我。

「切～你驚教壞你個樂晴姐，我知～樂晴，妳心愛既肥傑對妳幾好～」阿鏗你...

「咪就係～（姣聲）傑傑，我唔制啊！！」果然是「傻」強。

「咩...」啊樂晴，妳放過阿叔啦！AWSL！！！

「你兩隻野...」我不滿。





「Wow，樂晴對著肥傑靦腆呢w」

「阿鏗我地走先，唔好阻住佢兩個～～」

「呃...你兩個...」

「Hi auntie啊！！！」你兩條茂李，丟低我？！！！

但，亦意味著，我跟樂晴又可以再度獨處。





「Er...偉傑～」

「嗯？」

「我有D肚餓，不如...我地一齊食晚飯？」

「好啊，我都肚餓啦」

於是，我們把吉他和鼓棍放回陳生長期租用的band房後，便到關閘大家樂用餐，中途還發生了一段“小插曲”。

「偉傑君～借隻手臂用下～」

「嗯？？」
咩樹？？？她怎麼倚在我臂彎？！小肥傑要起飛了啦啦啦！！！





用餐完畢後，我們再依偎（？）了一會...

「偉傑，今晚塔石有節目喔」

「我知啊，做咩？」

「陪我一齊去啦...」

「咁我叫埋傻強佢地～」

「我...我想同你...單獨啊，唔好搵佢地啦......」單...獨？

「......好啦，咁行籮」

當天晚上10：10，塔石廣場





「棉花糖...我買一舊，我地一齊食啦～」樂晴道。

「好～好啊」我吃了妳的“口水尾”，是否要一輩子聽妳話？

我倆走了一會，發現了一家賣動漫figure的店

「賣figure架，想睇下嗎？」

「偉傑真知我心w」切，妳是腐女咩～

「丟圈...」樂晴道。

「玩下籮～一個圈10蚊～」比平時在外面買的便宜多啊





「我想要女僕會長～偉傑幫我丫～」

她想要的是一盒兩隻的，真貪心呢x

「咁妳比隻碓冰我」我都掠D水先🤡

於是，我們每人出5元，我一圈即中！各位，起立鼓掌吧！

「偉傑勁啊！碓冰俾你～」

「不如，我地行下波鞋街～十點半後Be-1全場75折啊」

「好啊～你咪話對鞋逼既，買對囉。」嗯？我有說過嗎？？？

10：45，波鞋街





「你著開Mizuno架？」樂晴看著我的腳，道。

「係啊。」舒服嘛～

「其實...Reebok都舒服架，我同你揀對～」

「好啊」

最後，她幫我選了一雙折後$270的Reebok Classic系列。是錯覺嗎？是因為樂晴選的，所以特別舒服？我另外再買了一條褲子，$600bye！樂晴也買了一雙跟我一樣的。（妳專登架？？）

11：15，護送樂晴回家！

巴士途中，她還是倚著我的手臂，並沒甚麼特別，但就是初次感到這種幸福的感覺。

「翻到屋企打個電話俾我～」我道。

不久，我收到一個message，是樂晴

「翻到屋企通知我啊～」

嗚呀！甜死了。如是者，我春風滿面地回家～

回家後...

「咳咳！做咩咁夜翻啊～」姐...

「等陣，我覆message先...」

「女朋友仔？晴晴？」

「我地都未開始...」

「今晚開心不？嘻～」那會不開心啦。

「......」

「話俾家姐知啦～」

你們覺得我會理會她？太年輕了！我直接沖涼訓覺而已。