為左追到女神我要成為全級第一！: 第二十八章：

唔經唔覺已經奮鬥左咁多日，今日就係英文測驗啦！係呢個星期入面我機都唔打，淨係拎住本英文書黎溫同搵啊明幫我補下英文，睇怕今次100分都有80分啦！英文測驗係下午先舉行，所以我成個上午同放飯時間都係學校溫英文。小欣見我咁勤力都留係到陪我溫習。

突然間午息結束鈴聲響起，咁姐係代表我馬上就要面對英文測驗，雖然話做足準備姐，但都會有啲緊張既...小欣見我好似好緊張咁，就默默咁寫左張字仔比我，內容係一陣英文測驗要比心機去做，就算唔識都要盡量去做，加油啊！

有左小欣呢番鼓勵，我信心立刻大增百倍。好快老師就將試卷派到各位同學枱上，到左開考時間，老師宣布各位同學可以開考，我打開份卷果然同啊明之前講既考法一樣，啊明同小欣都強調要我做左自己識做個啲，唔好逐頁逐頁黎做，所以我聽佢地講做晒自己識做個啲，因為我訓練充足，大部分既題目都可以迎刃而解。

轉眼之間就剩返我唔識做既題目，我呆左係到諗點做好，如果之前既我做完就秒速訓覺，理得佢識唔識做。但而加有小欣呢個人要我唔識做都要盡力去做，所以我拎起抬上既筆寫啲我覺得可能岩既答案落去，過多一陣測驗時間結束，老師同大家講夠鐘停筆。

係呢一刻我放低左部份心頭大石，仲另一部份係唔知有冇70分以上...之後小息完左再上多兩堂就放學啦！係我執執下野期間小欣走過黎問我一陣食唔食下午茶，當去放鬆一下。我二話不說話好啦，反正我放飯時間都食得唔夠飽，淨係食得個M記包。





搞掂之後我就笑住同小欣講行啦，我好肚餓啊！小欣都講左句得啦得啦。我地去左小欣屋企附近既茶餐廳到食野，黎得茶餐廳食野點唔可以食佢既厚多士同飲紅豆冰，我仲記得細個我爸爸媽媽成日帶我去茶餐廳到食，等左一陣啲野食終於黎，我唔等埋小欣就已經開始食，一食果然充滿童年味道。

係一瞬間我已經全部食晒，而小欣啲食物先岩岩送到黎...小欣見到我食晒就同我講唔比你賴低我自己一個走左啊！我答佢不如我送埋你返屋企啦好冇啊？小欣就答返我最好啦！之後就笑笑口咁去食野。

食完野之後，我就送小欣佢返到屋企，送完我就搭返車返屋企，我一到屋企就成個人訓左係張沙發到，一邊同小欣佢wts，一邊聽住歌。過多一陣爸爸媽媽都返到黎，媽媽就去左煮飯。冇啦啦爸爸叫我入一入佢房，入到房之後佢就話有啲野想比我叫我另轉身先，佢搞掂之後就講可以另返身啦，我一望係最新型號既蘋果手機。

之後爸爸就同我講見你近排好努力讀書，上次凌晨放工仲見到你係房到溫緊書，睇到你有去改變自己，所以我同媽媽都決定獎勵下你。之後係晚飯時間我都掛住用新手機比媽媽話左幾句...

沖完涼出黎，我就訓左係張床到繼續挽手機，挽多一陣我就熄燈訓覺。