每朝早在巴士站相遇的我和她: 第八章

「吓....你...認真架」 我有啲驚訝 因為估唔到咁快就得米

「errr...唔係咁嘅意思呀」 佢塊面紅哂

「咁我都唔想....佢再煩住我呀嘛....咪..咁講囉」

「哦~....係囉..你啱...又係嘅」 我有啲失望咁講

之後我哋兩個就一直dead air, 但係過程中佢又望下我咁, 我又望下佢。





落咗車之後

「不如我送你返屋企啊」

「吓...唔洗啦 我住你對面咋嘛」

「夜晚好多變態佬出没喎 第時你有咩事我點負責啊」

「嗰個變態佬咪就係你囉 成日昅住我」





「咩呀 你靚我先望你咋」

「口花花咁 行啦變態佬」

之後我就送到佢去屋企樓下

「送到而到就得啦」

「咁好啦 有變態佬記得打畀我呀」





「好啦 byebye變態佬」

之後我就返再屋企, 一開門口老母即刻問我

「七點先返屋企 去咗邊啊」

「吓...我要留堂呀 個老師玩連坐法冇計啦」

之後我就入咗房, 估唔到留堂而個大話係咁好用。

沖完涼之後開電腦, 點知峰哥同Jeff discord group call我。

「喂 去撚咗邊呀 今日rainbow新season啊 唔係講好咗新season第一日一齊打rank架咩 」

「你知唔知我同峰哥等你嗰陣有幾咁悶啊」





「聽我講先啦 今日同咗Tiffany去行街呀」

「我屌你呀 重色輕友」

「冇女就兄弟 有女就契弟 我屌你老母 」

「又唔係嘅各位大佬 有好消息 有壞消息想聽邊個先」

「壞消息囉 你表咗白呀」

「不如你講今日做咗啲咩」

之後我就講咗今日同Tiffany一齊嘅事





「所以好消息係你拎到佢ig」

「壞消息係你以為得米」

「你兩條友仔咁醒嘅 唉」

「做乜唉聲嘆氣 擺明佢怕羞啦」

「挑 小事姐」

之後Tiffany突然間打電話畀我, 我開咗擴音。

「喂 返咗屋企未呀」         

「返咗啦 做咩呀」





「冇啊 我好悶啊 咪搵你傾計囉」

「但係我好忙喎」

「忙咩呀 咁我唔阻你喇」

「忙住同你傾計囉」

之後dead air咗幾秒

「你想我點接好」 之後佢笑咗

「係咁先啦 我食野先喇」





「好啦 記得食飽啲啊」

之後就cut咗線             

「喂條女班聲幾正喎 畀ig我睇睇」

「已射 noted with thanks」