每朝早在巴士站相遇的我和她: 第五章

其實我嘅人生係一個輪迴, 起身-> 返學-> 放學-> 返屋企-> 訓覺, 之後? 咪就係重覆囉。

重複返琴日朝早做過嘅嘢之後終於都到咗最令我緊張同埋期待嘅環節。

一出到門口等elevator嗰陣我不斷係到諗究竟點樣問先唔會覺得奇怪, 但係我諗嚟諗去都冇一個好正常嘅理由, 因為都幾柒下。

我等緊車嗰陣得出一個結論, 都係正接啲問佢攞。

我今日特登唔聽歌自high, 就係為咗可以同傾耐啲。





老實講唔聽歌真係好撚悶, 咁我冇理由呆喺到等佢㗎嘛於是我就拎咗部電話出嚟。

其實真係冇乜嘢好睇加上我又唔玩手機game所以拎咗出嚟都唔知做咩好。

喺我扮睇電話嗰陣無啦啦有人拍我摶頭

「早晨啊呀希」

我嚇一嚇, 因為我仲諗住我做主動嗰一方





「早...晨」

「哈哈咁搞笑嘅你咁都嚇親」

「吓...唔係啊 我冇嚇親啊」

「扮咩姐 一睇你個樣都知你係啦」

「其實我係畀你打招呼嚇親姐」





「哦~ 姐係你唔想我同你打朝呼 咁好啦以後唔同你打招呼喇」

「我唔係咁嘅意思啊 係有啲突然姐」

「係呢...琴晚訓得好唔好啊」

我知, 大家會心諗我jm9但希望大家明白毒撚嘅心境, 咁我都唔想dead air。 就算柒都好都要柒落去。

「你個人咁奇怪嘅 我琴日訓得好好啊」

( 講真我打到呢到都覺得好L尷 )

突然之間電話響起, 仲以為係峰哥/Jeff打畀我, 睇一睇原來係老母打畀我。

"憑我徹底的勇氣 愛是最大權利 不理場面不偉大 我共你始終同遊生死 還有哪一種結尾 花光一切在乎你"





「喂啊仔」

「喂」

我當堂嚇一嚇, 唔通畀老母見到哂?

「你唔記得咗拎銀包啊」

「吓 咁點呀?」

「唔知你呀 一係你上嚟拎啦」

「err...我諗到計 唔洗喇」





我講完而句之後就即刻cut咗佢線, 連bye都冇講。

「做咩啊」

「冇啊 啊媽打嚟同我講我漏咗拎銀包 宜家冇錢撘車同埋食飯」

「咁大頭蝦嘅你」

佢講完之後拎咗個印有melody公仔嘅銀包出嚟, 佢畀咗65蚊我。

「嗱 嗰5蚊係用嚟撘車嘅 而嗰60蚊係食lunch用嘅 記住啊 唔好洗哂嗰60蚊啊 要留返小小錢去撘車返屋企啊」

「吓...咁點得架」

咁啱好架車着咗





我入完5蚊之後就坐咗喺佢隔離

「咁我聽日還返70蚊畀你啦」

「唔洗啦65蚊夠喇 我又唔係啲貪錢嘅人同埋收多你錢 個良心都過意唔去啦」

「唔得 我一定要」

「65蚊夠啦」

「還錢畀人 畀多少少錢係我嘅傅統嚟」

「你唔收嘅話 我會迫你收咗佢」





「疑~ 好衰架 恰女仔」

無啦啦有個師奶出聲

「可唔可以細聲少少啊 唔該」

個師奶出聲屌鳩完我哋之後, 我同Tiffany冇嘢講, 怕怕羞羞咁對望咗幾秒是之後又互相擰轉頭, 佢塊面紅哂嗰陣都幾可愛。

「你介唔介意畀你電話我」 我膽粗粗咁問佢

「見係你就畀啦」

「借你部電話用一用啊」

「密碼係咩啊」

「228227」

佢畀返部電話我之後我都冇即刻睇, 因為已經到咗西鐵站。

「咁...我落車喇whatsapp見喇」

「好啦..byebye」佢講完之後向我揮手

「whatsapp見喇 byebye」我又向佢揮返手

「yesssss我得咗喇 我拎到女神電話喇」 我喺心入面叫咗出嚟