摧殘我，可以嗎？: 後記

寫完了，寫完了！寫呢篇文章超過一年了，從未試過寫一篇咁長嘅文章。睇返轉頭，尚算滿意。作為業餘寫作，當然仍然有好多可以改進嘅地方，不過可以堅持咁耐寫完佢，自己都感覺自豪。題材方面可能比較重口味，並非每一個人都能夠接受，不過寫咗好幾年，自己都諗住暫時放低唔會再寫，所以就豁出去，寫一啲自己想寫嘅嘢。個人來講最鍾意嘅嘢就係睇一個正常人，逐漸墮落，去到最後做嘅嘢去到自己都會嚇咗一跳。自己成日都會咁樣幻想！要Angela逐漸一步一步向黑暗行落去，期間真係有好多位唔容易處理，不過最終出嚟嘅效果自己覺得都叫做唔錯。

寫作困難嘅地方就係好視乎情緒同埋靈感。有陣時冇靈感又或者真係好唔想寫，不過亦有時候靈感如潮，有欲罷不能嘅感覺。點都好，暫且喺呢度同大家告別，多謝你哋一路嘅支持，希望大家開開心心，有緣再見。