[校園][純愛]《幸運星下的預言》: 第五十二章

係咁咦講少少啦

因為詳細情況連我自己都唔記得

大佬呀邊有人會嘥時間去記打牌啲細節架

贏完錢就算啦

都係想咁啫，



再者我都驚你地睇到悶

總而言之，

落到場打一如我所料

成班都係柒下柒下咁

我好記得坐我上家嗰個



係咁供我

一隻都冇扣過

下家永遠都唔會轉章

做開嗰範就係嗰範

基本上你睇佢頭幾隻做邊範，



你唔好打嗰範就可以玩死佢

唔使驚佢隨時轉

賭錢嘅野，

唔執生就輸九成啦

當然啦，

我又唔係好似電視咁樣

食完又食

不過唔可以否認有獲利



正正因為對手太差，

所以周不時眼觀八方

睇下周圍啲人做緊乜

好快就打咗個幾兩個鐘

啱啱好打完四圈，

贏完就梗係走人啦啱唔啱先

話說回頭，



頭先打緊嘅時候都見到筱瑜喺廚房出咗嚟

佢就冇好似映彤咁樣

行咗過嚟觀戰，

淨係坐喺梳化嗰度休息

副主席都喺佢隔離

喺道理上又或者人情上，

依家打完過去搵佢

肯定係最恰當嘅做法



我:「我打完喇你地玩啦」

映彤:「咁我唔客氣坐低喇」

我:「你係主人家梗係你話事啦屌」

映彤:「好彩唔係同你打啫

頭先見你條友扣到呀邊個邊個傻咗

幾驚要同你打呀」

我:「撞彩啫」



映彤:「割禾青你就最叻」

我:「屌」

我心諗你又幾醒。


我:「做咩呀你坐喺度」

副主席:「傑仔嚟咗喎咁我唔阻住你地喇」

我:「你真係識做嘅啫」

筱瑜:「你依家個樣真係好衰」

我:「唔係呀我咁靚仔」

筱瑜:「做咩過嚟嘅

唔去打牌」

我:「咁我見到有人坐喺度好悶

又見到有人冇過嚟睇

咁我咪唔打囉

即刻過嚟陪佢啦

係咪完美男人呀」

筱瑜:「贏定輸呀」

我:「梗係贏啦

重唔即刻走咩」

筱瑜:「好叻呀你」

我:「好假呀你」

筱瑜:「唔怪得過嚟啦

原來贏完就鬆人」

其實點解你地個個都咁醒

我:「唔係喎

贏輸我都會過嚟

我又點會忍心你一個戇鳩鳩坐喺度」

筱瑜:「首先我唔係好似你講到咁

第二我都幾肯定你輸就一定會追數」

我:「唔好講假設性嘅問題

你地啲甜品整好未」

筱瑜:「差唔多喇

頭先打電話叫咗外賣，

應該半個鐘至九個字會到」

我:「好叻呀你

竟然識打電話叫外賣」

筱瑜:「死人頭係咪玩野呀

講到我好似真係傻咁樣」

我:「痴線你自己諗多咗」

筱瑜:「好攰呀

今朝一早起身整雞翼又要特登整俾你

頭先又整甜品

抖下先」

我:「陣間嗰啲有冇骨架」

筱瑜:「梗係有啦你估我整好多隻咩

我唔係個個都整俾佢架」

我:「唔怪得啲雞翼咁甜

原來洋溢著愛意」

筱瑜:「大佬真係打冷震

我點樣扮都扮唔到落去」

我:「屌俾啲面啦」

筱瑜:「點樣報答我先」

我:「簡單啦咁就

夜晚走嗰陣我用我贏嗰啲錢

請你食糖水

你諗下個情節幾浪漫

大雪紛飛間，

一對男女依偎在身旁，

驀然，

走進糖水舖內共同進食一碗暖笠笠嘅蕃薯糖水

暖在心頭」

筱瑜:「其實你幻想力真係好勁

一齊食糖水諗到咁多句出嚟

同埋呢，

冇雪喎」

我:「對住你乜都諗到架喎」

筱瑜:「咁我會好驚喎」

我:「我講真架」

筱瑜:「不過有樣野你冇講錯

走嗰陣真係要去食糖水

依家咁凍食返碗熱野真係好正」

我:「小弟乃一名君子

一言既出，

絕對唔會得把口」

筱瑜笑住咁講:「點解你今日講野文鄒鄒嘅」

唔通我同你講，

所有嘅無聊野都係為咗呢一刻咩

講你都未必明，

當你真係明喇，

你都唔會信啦。