[校園][純愛]《幸運星下的預言》: 第二十四章

「皆因不過初戀」，

呢六個字我都唔知講乜

隻隻字我都睇得明

我亦都知係一句歌詞

咁但係依家電話number喎老友



佢寫呢句歌詞出嚟做乜撚

我一路望住呢六個字完全冇頭緒

真係睇咗好耐，

我都唔知代表啲乜

咁啱呢個時候我個電話就響



打嚟嗰條友我冇set做聯絡人

唔通係筱瑜

咁就梗係即刻聽啦

我:「小姐你係咪玩野呀」

筱瑜:「你又知係我打嚟嘅



係咪估到

不過冇理由丫，

如果估到應該係你打俾我」

我:「唔係呀其實我搏下架咋

我見個來電顯示冇名即係可以屌佢啦

如果唔係你嘅話咪即刻收線囉

我都想搵你呀小姐

嗰六個字點解呀」



筱瑜:「你冇聽過咩」

我:「有聽過衛蘭架嘛

唔怪得頭先你蠱蠱惑惑

又話驚我睇唔明呢樣嗰樣」

筱瑜:「識貨

我好鍾意聽佢啲歌架」

我:「識貨其實我都好撚鍾意



唔好講住先你打俾我做咩呀」

筱瑜:「整成點呀」

我:「搞掂喇不過我屋企冇printer

係咪聽朝就要」

筱瑜:「係呀」

我:「咁我點樣俾個file你」

筱瑜:「家姐用緊部電腦我就唔想煩佢

咁呀，



你住邊呀我行過嚟丫

你比隻usb我喺屋企print

我屋企有printer呀」

我:「唔使喇你同我講你住邊啦」

我行過嚟搵你咪得囉

反正冇乜野做」

筱瑜:「唔係要打機咩你」



我:「俾變態佬見到你夜晚晚一條友行

渣都冇得淨啦

得啦我過嚟啦」

筱瑜:「你真係好好人呀

又識得為人著想喎」

我:「你把聲可以再假啲

你住邊呀」

筱瑜:「邊度邊度呀」

我:「哦嗰度

我行過嚟大約三四個字

你十點三企喺度應該啱架喇」

筱瑜:「咁好啦陣間見

你都要小心變態佬呀

唔係喎可能你就係」

我:「戇鳩

就咁話啦」

收線之後我即刻set佢做聯絡人先

有來電顯示架嘛哈哈

唔知佢係咩台呢，

嗰陣我地學校最多就係人囝

以前唔同依家隨便whatsapp

唔同台sms好乸貴

見過唔少人為咗追女仔走去轉台

喺床上面機不離手係咁sms固然好啦

不過到要交電話費嗰陣就知道個代價有幾大

好快就set好咗

嗰六個字點解

話知佢啦

都有佢電話咯。



點樣講我喺度都住咗十幾年

要去邊度用幾耐時間點會唔知丫

所以我係準時去到佢屋企樓下

離遠望到見到有個女仔喺度，

嗰陣未知係佢

因為個女仔冇紮辮

係越嚟越近嗰陣佢一擰轉面先知係佢

一擰轉面咁啱大家就有眼神交流

我未見過佢呢個樣，

好新鮮因為見親都係紮辮

問心我覺得佢返學紮頭髮靚啲

純粹自己感覺啫

上下身都係著住普通出街衫

越行越近嗰陣無啦啦喺度笑

唔知佢笑乜

我淨係知我都跟埋佢一齊笑

我一再講，

學校以外嘅佢其實唔係咁cool

間唔中都會笑同埋成日講野

同喺學校入面嘅形象好唔同

典型一個中學女仔

我:「笑咩呀」

筱瑜:「你咁靚仔有冇變態佬跟住你呀」

我:「有呀

我一出𨋢嗰陣見到有條友喺後面

行到邊跟到邊

佢依家重喺後面匿埋睇緊我地

不如帶你睇佢」

筱瑜:「唔使喇唔阻你兩個

係喎飲唔飲檸檬茶」

我:「你有梗係打死都飲」

筱瑜:「嗱。」

跟住佢就俾咗罐我，

我:「飲筒呢」

筱瑜:「估到你會問

嗱」

其實平時我就唔用飲筒飲罐裝嘅

不過呢樣係我同佢嘅一樣小玩意

所以先問佢拎啫

即使唔係朱古力奶都好，

筱瑜:「知你鍾意一路行一路飲

咁好心行過嚟梗係要慰勞你」

我:「唔係你估

你估我好撚得閒」

筱瑜:「唔係喎啱啱先有人話冇乜野做咋喎」

我:「一陣就多架啦屌」

筱瑜:「隻USB呢」

我:「係喎差啲唔記得

搞掂架喇你返去再睇下有冇野執」

筱瑜:「我信你架喇唔會執」

我:「懶」

筱瑜:「冇所謂啦都係一樣啫

真係有問題我sms你丫

係咪人囝」

我:「梗係啦

一樣就好呀唔使驚電話費貴到仆街」

筱瑜:「今日你講得最好就係呢句

走喇拜拜」

我:「拜拜」

好多野真係唔可以咁早下定論

唔同時期去睇一樣野真係會有唔同睇法，

我從來冇諗過，

有朝一日我會多謝嗰部突然熄機嘅電腦

或者就係因為佢，

我有咗好多一世都唔可以磨滅嘅回憶

開心與否都好，

始終係一段經歷，

正正係成長階段遇到嘅人同埋事，

先至造就今日嘅我。