(嚴重FF愛情輕鬆同居故）《我與貓系女室友的二三事》: Ch.33

truth or dare? 屌⋯⋯咁撚老套㗎。 

Truth or dare呢個遊戲係永遠不敗嘅一個遊戲。無論係ocamp又係，定茶餘飯後都好，都會有人提議玩嘅遊戲。 

你以為車～truth or dare啫⋯⋯

 好閒好無聊嘅一個遊戲啫⋯⋯

 但其實呢個遊戲係一個探測人心理最陰暗嘅一面，同埋得知最殘酷真相嘅遊戲。 





仲記得大學時代，我曾經同班roommate仲有ex一齊玩呢個遊戲。我就係喺呢個遊戲見識到最黑暗嘅一面。我係呢個遊戲裡面⋯⋯知到咗我個女朋友竟然同個室友上過床。

 最後我撲過去個室友到打交，打撚到佢稀巴爛，同飛咗隻臭雞。 

後來大學生涯不時比人提起我戴過緣帽，所以我對呢個遊戲好反感。 

Tracy佢一轉個酒樽，大家都望實好急張會指向邊個。最後指向咗Michelle。

 Michelle揀咗Truth。





 Tracy佢個笑容變得好奇怪，佢笑住講：「妳一星期會想做愛幾多次。」 

一聽到Tracy咁問，我同家強飲飲下紅酒都噴晒出嚟，係咁咳，咳到我好撚辛苦。 

屌問埋呢啲咁嘅嘢，Tracy果然如傳言所講咁，真係淫底嚟㗎喎。 

Michelle佢塊面紅晒，佢搖頭表示唔想答。 

Tracy佢歪住頭咁望住Michelle：「妳唔答⋯⋯就要揀dare啦喎。」 





Tracy佢諗咗一諗，之後就係廚房拎咗個啤酒杯倒滿紅酒。 

「咁妳就飲咗佢啦。」 

嘩！想收賣人命咩！ Michelle佢飲咗一半已經飲唔到落去，Tracy見佢飲到係到傻笑，醉咗就放過佢。 

見Michelle笑下笑下咁，我都有啲驚。

 「到我啦～～～～」Michelle勁大力咁轉個樽，真係High大咗咁。

 酒樽指住我，我揀咗答問題。Michelle佢有啲失望咗問：「你一星期打幾多次飛機？」 嘩！屌呀！啲女人做乜撚嘢呀！啱啱先怕醜唔答Tracy問嘅黃色問題，宜家走嚟問我？ 都唔知啲女人係咪飲醉咗都鍾意問呢啲嘢。 佢哋一個二個都望住我，就連阿Man都向我投向好奇嘅眼神。

 雖然我男人老狗，但係呢一刻比人望實，我竟然有啲怕醜。

 「⋯⋯我都係揀dare。」





 「嗯⋯⋯要你做咩好呢？」 Tracy見Michelle諗唔到，就笑笑口話：「不如我幫妳諗呀！」

 嘩！比Tracy諗，咁我實死得！ 正當我想拒絕，都係學Michelle咁隊一大支紅酒，醉死訓到天光好過。

 點知佢竟然話：「你係我哋三個女人當中，揀一個同你磨鼻十下。」 嘩！比咁大嘅褔利我！ 但點知Tracy講完呢句說話，慢慢往我個方向傾前。