【已完故】[穿越者貳章]某月某日坐上某架無冷氣嘅巴士: 第八章a

《Zoey視角》
水…周圍都是水，怎麼我會掉到水中的？我掙扎着往上游，但卻有一股引力把我往下拉。我的動作越大，下沉速度就越快，我好像快要遇溺了。

我來到一個全黑的隧道，隧道兩邊盡頭都有一小點白光，應該就是出口了。爺爺的聲音從很遠的地方傳來，好像在召喚我一樣。
「爺爺？」我向聲音的來源跑「爺爺，你喺邊呀？」
我大聲地問，但爺爺的聲音消失了。
「爺爺！」我不停地跑着，白光並沒有變大，只維持着原來的大小。
我失落地坐在上，把頭埋在大腿中間。
「淑怡～」爺爺的叫聲在我旁邊響起。
我抬頭一看，這張我日夜記掛的臉，就在我旁邊。我二話不說就緊緊地擁抱他，生怕會突然消失。一段時間，我倆爺孫就只是靜靜地擁抱，一言不發。




「呢條路唔係你行㗎～」爺爺可藹地說，輕輕撫摸我的短髮。「淑怡，人要放下過去，勇往直前，面對未來。如果你行我呢條路，就唔會再有未來㗎啦。」
「但係……做人好辛苦，做人要面對生離死別，每日要做住自己唔鍾意嘅事。」我扁起嘴巴說。
「呢啲同時都係一種做人嘅樂趣，其實你都可以順應自己嘅諗法去做，就好似阿天話齋，你可以選擇自己的路。」爺爺扶我站起來，指我向我跑過來的方向。
「阿天佢哋真係死咗？」我抱着一絲希望問爺爺。
「呢個問題，你要自己揾答案啦。未來嘅路可能會好難行，但我一直都會陪喺你身邊。」他把充滿皺紋的手放在我心口，然後就慢慢消失了。
我向着爺爺指引的方向走，不料我聽到Yina的聲音，正正就是我朝向的方向發出。她好像在說話，但句子十分零碎又時大時小聲，完全聽不清楚。我一步一步走，Yina的聲音越來越清晰，白光的出口也越來越近了。

在隧道的盡頭是白茫茫一片，但我清楚聽到一句話：
「Zoey，我哋靠晒你。」