【已完故】[穿越者貳章]某月某日坐上某架無冷氣嘅巴士: 第七章h

我聽到在後面追趕我的黑衣人越來越接近，只好暫時躲到病床底下。外面正發生着一場腥風血雨，而我則躲在床下底苟且逃生。
「你出嚟啦，我唔會殺你。」又是修彥的聲音？「我需要你，幫我去對付Dr. F。」

「嚓」一把手術刀插進了阿天的下腹，鮮血染紅了污跡斑斑的白恤衫。阿天忍着劇痛拔出手術刀，成功得到一把沒甚麼用途的武器。
「點解你會有超能力？」這個問題好像問得好蠢但阿天認為自己在死之前至少要知道一件事。
「我創造呢個地方，呢個虛境，當然可以為所欲為啦！」Dr. F指示一把手術刀飛過去，他根本就不急着殺阿天，反正都已是到口邊的肥肉了，怎樣也逃不去的。
阿天用手中的刀擋下攻擊，再繼續問問題，拖延時間。
「你到底係邊個？點解你會同修彥一模一樣？」
「我係馮修彥，不過我比佢更無畏、更聰明，我可以做到其他人做唔到嘅嘢，包括殺死我自己！」Dr. F隨手一揮，一台監察儀就以阿天頭部為目標撞過去。
阿天欠身一避，儀器撞上了他手臂，痛得咬牙切齒。Dr. D再一腳踢向他的腹部，他立即吐出了一口鮮血，倒在地上。




「你唔好以為我唔知你諗咩，我話你知，呢個遊戲你哋注定會輸。」

「但佢估唔到會有我呢個變數，」透過窗戶的反射，我看到黑衣人脫下口罩站在我躲着的床旁邊說「旋渦並唔係唯一嘅出路，你要破壞呢個虛境，唔好再相信你眼前嘅事物，唔好相信你個腦！」