《隔離的女孩望住我》: 終章：愛是不保留

第一堂過去了‧‧‧

第四、第五堂都過去了‧‧‧

‧‧‧‧‧‧

‧‧‧‧‧‧

「叮噹叮噹‧‧‧叮噹叮噹‧‧‧」鐘聲跟平日一樣響起，死沉沉的哀號。





我呆看着手機，直到整個班房都沒有人，只剩下孤獨的我。

我抬起頭，發現四周只剩下桌子、椅子，一動不動的。

忽然一種難堪的感受發自我的內心，好想哭、好想哭‧‧‧

卻也放聲不了哭出來‧‧‧

我跪在地上，眼角開始泛起一些淚水‧‧‧





無人察覺到我的動作吧‧‧‧嗚呀‧‧‧

Mandy‧‧‧

Mandy‧‧‧

Mandy！！！

她傳來了一個訊息，應該說是一大段的文字‧‧‧





就請大家讓小弟以一封信的形式來表示 Mandy 的話吧。

●●●●●●●●●●●●●●●●●●●●●●●●●●●●●●●●●●●●●●●●●●●●●●●

To：親愛的 Kelvin，

    Kelvin，我諗我係度要同你講聲對唔住先，因為，我要走啦！

我要跟屋企人移民去英國，同埋一直會係個邊讀書、生活落去。

我今次走左，我唔知幾時會番黎香港，甚至唔知以後仲會唔會番黎。

好對唔住呀！我無辦法兌現同你既承諾，將來入到同一間既大學。

其實一直以黎，我都唔知我同你既關係究竟係點，但係我的確對你有好感。





我唔知你係咪鐘意我，不過就算係都冇用，因為我要離開係事實。

自從識左你之後，我既生活變得多姿多采，唔單只淨係讀書，我多左個信得過既知心朋友，即係你。

有咩開心唔開心都可以好放心咁同你講，而你都好樂意咁聽我講野。

每朝我都咁準時搭個架巴士，有好多時都係因為你。

曾經我試過趕 Project，唔夠訓，第二朝遲左起身，想搭的士就算。

但係一諗起你，係巴士我可以同你傾計、訴苦，一股力量就推動我每朝都要搭個架巴士。

之前考試個排，我都好辛苦好大壓力，因為明知道將會走，考試好似變得全無意義。





但係當我諗起同你講好左要一齊入大學，我決定點都要努力埋呢一次，希望盡守承諾。

唔好搵我啦，我而家應該上左機，朝早你搵我個陣其實我執緊行李，冇時間同你講，Sorry呀。

我真係好開心識到你，一個咁好既男仔，雖然我地有緣無份，但我都好珍惜過左去既一段時光。

多謝你呀 Kelvin！我永遠都唔會忘記你！

Mandy上

●●●●●●●●●●●●●●●●●●●●●●●●●●●●●●●●●●●●●●●●●●●●●●●

睇到呢度，我一個人跪係課室地上，終於忍不住放聲痛哭。

冇人可以阻止到我，呢一刻，我知道我係好鐘意 Mandy。





我好後悔，好後悔點解當時 Mandy 考完試同我分享喜悅時，我冇去回覆佢。

我好後悔，好想同佢講：其實我同你一樣咁叻呀！我都拎左全班既第三名！

我好後悔，點解 Mandy 走既前一日，我冇放膽去搵佢、約佢出街，比個最後、美好既回憶佢。

我好後悔，點解我會咁諗，點解我會話要等到你主動，點解我唔好好珍惜呢兩個月既時間！

‧‧‧‧‧‧

‧‧‧‧‧‧

這時候，課室外面傳來了一首很熟悉、很溫柔、很動聽的歌曲。





「常聽說世界愛沒長久，哪裡會有愛無盡頭，
塵俗的愛只在乎曾擁有，一刻燦爛便要走。」

我不由自主地跟着哼唱‧‧‧

而我卻確信‧‧‧愛是恆久‧‧‧碰到了你已無別求‧‧‧
無從解釋‧‧‧不可說明的愛‧‧‧千秋過後仍長存不朽‧‧‧

也許，朋友的確比戀人走得更遠。

但是，給我多一次機會選擇的話‧‧‧

我仍然希望能夠當你的男朋友！

Mandy‧‧‧

我愛妳！

●●●●●●●●●●●●●●●●●●●●●●●●●●●●●●●●●●●●●●●●●●●●●●●

「喂 Kelvin！過黎睇下啦！」

「又有咩好睇呀？」

「呢度話黎緊會有個 Joint School 活動！仲要係同對面間女校搞添！大好機會去食女呀！」

「哦，唔洗預我啦，你地自己 Join 啦！」                                       

我心中一甜，想着 Mandy，根本不需要再結識其他女孩。

                                                            


                                                                                            全文完