《無啦啦多左幾個家姐同細妹Season 3》: 夢想

Anna：「你到底想帶我去邊呀阿明？」
 
我：「一陣你咪知囉，唔好問咁多啦跟我黎就得啦。」
 
我拉住佢，唔理佢講D乜，一直係條街上面行，前往我想去既個個地方。
 
啊講返頭先佢買既個堆野先，我實在唔想拎住咁多野去，所以就請佢call佢既司機黎先行拎走D野咁啦。
 
兩條友行呀行，最後入到一楝大廈既其中一層。
 




無錯，我要帶佢黎既地方就係呢楝大廈入面。
 
Anna：「呢度係…」
 
我：「將會實現我夢想既地方，黎，我地入去睇下。」
 
我係銀包入面拎出之前阿Ray為我地幾個配定既鎖匙，打開鋪頭既門鎖，帶佢入左去。
 
雖然空氣中仍然瀰漫住一股天拿水味，但咁亦代表裝修已經完成得七七八八。
 




貨架同重要既設備已經放好安裝好，貨物亦已經到達，一箱箱整整齊齊放係地下等待上架。
 
Anna：「哦？原來已經差唔多搞掂嗱？比我想像中快喎。」
 
我：「嗯，多得佢地幫得手先咁順利，如無意外下星期就可以開張。你仲係第一個黎呢度既人。」
 
Anna聽到之後笑左一笑，係舖頭周圍睇下，轉左個圈之後係我面前搵左張櫈坐低。
 
Anna：「你覺得點？」
 




嗯？本來應該係屬於我既問題突然被用於自己身上令我感到錯愕，不禁吓左出聲。
 
Anna：「呢個就係你既夢想？」
 
我：「呃…係呀…係咪太無大志…？」
 
仆街啦…同我想像中既好唔同喎…我仲以為佢會叫我加油添…點解佢既反應咁冷淡既…
 
Anna：「唔係啦，夢想呢家野邊有分大唔大志架，比起D人渾渾噩噩過完一生，有夢想同方向已經係一件好事啦係咪先。」
 
「既然呢度就係實現你夢想既地方的話，咁就要同你班朋友俾心機做好佢，做到有聲有色啦，如果咁唔好彩遇上D解決唔到既難題的話就去搵Ellie啦，佢咁聰明一定幫到你架。」
 
佢做咩好似交代身後事咁既…唔通係因為…
 
Anna：「我無辦法留到睇到呢間鋪開張，真係好遺憾，但就算我唔係度你都要加油呀。」




 
果然係因為佢知道自己就快返去睇唔到開張啊…
我:「咁就一定啦，畢竟我開始呢個計劃都係為左向你證明我都可以成大事架嘛。」
 
Anna：「傻仔，價值呢樣野邊洗同人證明，你係我心目中一直都好有用，好啦唔好留咁耐啦，呢度咁大陣天拿水味聞得耐個頭會暈架，返去啦。」
 
佢講得的確有道理，此地不宜久留係事實，都係儘快離開好D。
 
我地就係咁結束左簡單既鋪頭導賞團，開始踏上回家既路途。
 
Anna：「啊係喎，咁你打算幾時同佢地講你真正背景？總無可能一直暪落去架嘛？」
 
我：「嗯…雖然話佢地應該都估到，不過我都打算係開張前一日同佢地講。」
 
Anna：「你有計劃咁就得啦，我信你可以處理得掂既，畢竟你五個女朋友都搞得掂喎。」




 
呢句…而家已經分唔到真係讚定係俾說話我聽了…
 
就係我地行到一個比較少人既街口既時候，有一架七人車急停左係我地面前，仲有三個人跳左落黎。
 
係見到佢地拎住鐵棍既一瞬間我已經感覺到唔妥，第一反應就係將Anna護係身後。
 
因為好明顯呢班人來者不善。
 
都未黎得切開口問何者何人，領頭既一個就已經向我揮舞佢手上既鐵棍。
 
有睇《Gundam Build Fighter》既我知道如果用手擋一定會出事，所以我選擇左避開。
 
但係避得一時邊避得一世，更何況對方有三個人，亦即係有三碌棍，好快我背脊就中左一棍。
 




呢D野真係中開有條路，好快第二第三棍就打左落黎，幸好既係無打中Anna。
 
無錯，重點係Anna唔可以有事。
 
我一邊護住Anna，一邊叫佢快D走，自己就繼續挨棍。
 
幸好平時都仲有操練身體，仲挨得住，雖然就無Oruga團長咁硬淨，但起碼仲挨得到佢地打完。
 
無錯，佢地並無打算置我於死地，似乎只係想打傷我。
 
佢哋好快就兆：上返車走，而領頭既一個係走之前仲留低左一句說話。
 
「呢D就係你搶左我地最重要既野既後果，陸續有黎呀陳煒明。」