《無啦啦多左幾個家姐同細妹Season 3》: 保護

阿惠身水身汗見到我地幾個人樂也融融係度傾計，好似大受打擊，當堂嘆左口氣，死死地氣行過黎搵我地。
 
阿惠：「唉睇個款你地已經知道架啦？」
 
我：「嗯？你指咩事？我唔係好明你講咩喎？」
 
阿惠：「扮哂野，呢個呀。」
 
佢一邊講一邊捉起Kathy隻手，向我地展示佢地兩個手上既戒指猶如宣示主權哇你睇下Kathy個樣sweet到呢。
 




我：「哦呢個呀？Kathy岩岩講左，咁幾時正式結婚？」
 
阿惠：「快架喇，應該今年內，黎喇過黎呢邊我地兩個男人傾下計。」
 
既然老闆都開到口，無理由唔跟隨架？不過講起黎又真係奇怪，明明呢度係牛肉麵店，點解要專登整個吧枱？
 
算啦，人地鋪頭鐘意點裝修係人地既自由，佢開心咪得。
 
阿惠好似察覺到我打量緊佢，笑左一笑再係吧枱後拎左兩支野飲，仲遞左其中一支比我。
 




阿惠：「我呢度既招牌飲品黎架，試下再俾D意見啦大佬明。」
 
嗯？飲落又幾甘甜，幾正喎難怪可以做到招牌啦。
 
我：「支野係幾正，喂唔講呢D住，恭喜你結婚先。」
 
阿惠：「哈哈，多謝喎，幾時到你吖？哎Sor唔記得你唔結得婚添嘻嘻。」
 
吖屌你咁都比到位你入，你個衰仔虧我仲咁真心恭喜你，即刻想收返句野。
 




阿惠：「不過話時話，做乜突然間上黎既？仲要Anna哥都係度既？佢唔係去左英國架咩？」
 
我：「啊…呢個就說來話長喇……」
 
我將成個故仔由頭到尾講左一次比阿惠聽，但佢聽完亳不驚訝，只係拎起一個地瓜球吞落肚，完全唔同Sarah佢地。
 
阿惠：「所以…你今次黎係想搵 Kathy問佢知唔知道有關個款面具既野？佢咩都唔知架。」
 
我：「我梗係知道啦唔洗咁緊張喎。我只係帶佢地黎見下舊朋友敍下舊啫，Anna好快就要返英國，想把握時間好好同佢一齊過。」
 
阿惠：「係啊…？我而家總算叫做理解到你既感受。」
 
我：「嗯？咩感受？你講到好gay喎大佬。」
 
阿惠：「屌你真係咩人諗咩野，我係想話我係同佢一齊之後，都開始有個種想保護人既諗法。」




 
「佢既悲傷經驗已經太多，而家既我就只係想成為佢既家人一直保護佢，直至我死為止。」
 
話題突然變得沉重起黎，我都唔敢再笑笑口，以免欠缺尊重。
 
其實我既諗法同佢一樣，我都只係想一直保護佢地五個，唔俾佢地受傷。
 
但可惜現實總係事與願違，甚至可以話係完全相反，我總係令佢地擔心流淚，亦即係話想令佢地遠離悲傷既我，卻同時係為佢地帶來傷痛既人。
 
真係諷刺，但我又無力改變呢個現實。
 
阿惠：「咁…你諗住點樣搵出呢個Ashley？」
 
我：「我諗都係要從個面具個邊入手，畢竟咁高科技既野一定唔會有太多人有，只要查出個來源，一定易搵好多，我都查出個公司名，之後就等更多有關呢間公司既資料，不過要點查都係一個問題。」
 




阿惠：「wow真係成熟左好多wor大佬明，換轉係以前你肯定方寸大亂，之後你二家姐就…啊Sorry…」
 
阿惠一提到二家姐呢三個字就即刻收口，似係覺得自己講錯野。
 
我既回應就只係用手上既膠樽輕輕碰佢既膠樽，做一個碰杯既動作。
 
我：「傻啦講乜Sorry啫，二家姐又唔係死左，只係唔係香港啫無野wor。」
 
係wor…唔知二家姐而家係邊呢…