《無啦啦多左幾個家姐同細妹Season 3》: 內心

佢既心底話，徹徹底底封死我之後想講既野。
 
原本想同佢坦白呢一切，同佢傾下對策咁話，但而家唔得了，唯有將呢一切吞返落肚。
 
我真係無辦法想象如果而家同佢講既話佢會有咩反應。
 
所以…唯有再等下啦…而家暫時就自己諗下辦法先。
 
之後既第二日，仍然相安無事，咩事都無發生，食物券仍然一日一張，大家繼續飲野食野。
 




而根據浩銘既觀察，我地既魚腩今朝一早就去左會所，仲搬走好多飲品，睇黎係想以飲品充飢。
 
以飲品充飢，最多一日就頂唔順啦，如果聽日真係公佈加價/加量既話，佢哋肯定會崩潰都似。
 
嗯…應該幾時去兜售好呢…
 
阿Ray：「我諗聽朝就可以去佢哋度放風話可以賣D食物券比佢哋了。」
 
阿輝：「聽朝啊…唔…都差唔多喇，我同你去？」
 




阿嵐：「吓聽朝咁快？但係仲未有通知喎。」
 
係囉，我一開始都係同阿嵐一樣睇法，但諗深一層，佢哋既決定又有道理喎。
 
係公佈之前就sell佢哋，無錯佢哋會覺得我哋on9，如果要買點解唔同大會買。
 
但當一宣佈個陣，對比之下，我地既食物券就自然變得好吸引，佢哋就會心甘情願比錢我地。
 
呢D就係策略喇。
 




但係，都仲係有少少問題存在。
 
我：「咁應該點sell佢哋先好？無理由係佢哋宿舍門口捕住佢哋sell架嘛？」
 
阿輝：「嗯…呢個都係一個問題…你有冇咩建議？」
 
嘩突然問我意見呀，等我諗下先…或者…
 
我：「我覺得可以設計一個作戰，需要大家一齊去做先有效。」
 
首先就要兩個人捕係會所，將bar放出黎俾人攞既野飲全部收起，因為我預計佢哋聽朝會再去補給，因為佢哋最好既辦法就係咁，一直唔消耗金幣又可以維生。
 
但如果我哋把握得好，係佢哋到會所前幾分鐘就掃走所有飲品，等會所個邊refill唔切的話，佢哋就會無功而回，佢哋條橋係個刻黎睇亦會不攻自破。
 
無錯，只係個一刻，不過都已經夠，佢哋當下既判斷力唔會諗到咁多。




 
佢哋會以為最後既生路已經被截斷，咁只要第三個人係佢面前享用豐盛既佳餚的話，吸引力又會更加大。
 
佢哋一黎就賣哂所有券，肯定未見過D野食有豐富，就俾佢哋睇下。
 
我記得之前D Staff講過可以係佢哋度用餐，仲話咁仲好，因為食物保證熱。
 
剩低既兩個人，就負責sell，十分簡單。
 
聽完我既計劃之後，大家都靜左一靜，似乎係度思考緊呢個所謂作戰到底可唔可行。
 
的確，呢個作戰其實唔係一定實行到，所有野都建基於佢哋聽日真係會去會所先得。
 
所以說服唔到佢哋都係正常既，無辦法喇唯有再諗…
 




阿輝：「一於咁話啦，阿明我信你。」
 
…
 
唔知點解，係佢口中聽到呢句野唔係咁好受…令我諗返起尋晚佢講既野。
 
但我卻無辦法表達出呢份難過，至少而家唔可以。
 
我可以做既野，就只有好好完成由我提出既呢個計劃，帶大家嬴呢埸比賽。
 
之後再好好解䆁呢一切。
 
老實講，我開始後悔自己當初既決定，覺得Sarah佢哋講既野係岩。
 
做人真係唔應該講大話。