《無啦啦多左幾個家姐同細妹Season 3》: 宣戰

呢個女仔知道我咁多野？到底係咩人？
 
意識到對方來者不善既我下意識退後左兩步，打算拉開一個安全距離先。
 
女：「我係咩人？係喎得我知你個名好似唔係咁公平，我就叫Ashley，多多指教啦~」
 
Ashley…？
 
屌唔係，重點唔係佢個名，重點應該係點解佢會知道咁多關於我既野。
 




但無等我開口問，呢位Ashley就又開始發動攻勢。
 
Ashley：「明明係主辦單位既人，唔…應該直頭話明明係老闆，點解仲要親自落埸參加？而且我睇你身邊D朋友好似都唔知咁，唔通你一直呃住佢哋？」
 
「咁唔得架喎，居然瞞住朋友~定係…」
 
「你根本無當佢哋係朋友，只係當佢地係工具，幫自己達成自己既目的？」
 
面對呢一輪攻勢，我完全係無力招架，只可以企係度硬食。
 




而且佢有一部分講中左…
 
妙語連珠，勢不可擋，我又可以做到D乜。
 
我：「你到底點會知道咁多我既野…你唔係參賽者？」
 
Ashley：「我當然係啦~只係你咁出名，居然好似無人知道你既身份，呢點令我好奇怪啫。」
 
就算佢滿面笑容，我都無辦法放低警惕，因為我仲可以feel到佢有好強烈既敵意。
 




因為其實我既「事跡」係我當年苦苦請求之下並無傳出去，知道我都姓曹，係天晨既人可以話少之有少。
 
佢知道得咁多野，大慨都唔會係咩普通人，更唔會可能係一個普通既參賽者。
 
而家咁睇好明顯佢係黎追擊我…
 
我：「咁你想點？」
 
事到如今都唔洗客氣啦，單刀直入就算。
 
呢招果然起到奇效，佢終於收起佢個虛偽既笑容，散發出佢一直想忍藏既殺氣。
 
同頭先完全係兩個人，我開始發現呢個人係打從心底裏討厭我。
 
呢種感覺好似曾相識。




 
Ashley：「我會係你既主場贏你，證明我比你好，好一百萬倍。」
 
「我要佢知道我先係最好，到時佢就會需要我。」
 
佢？邊個佢？
 
但既然人哋都講到咁，我唔還拖都講唔通喇係咪先。
 
我：「可以呀，堂堂正正放馬過黎。」
 
「我都有唔可以輸既理由。」